«Россия аудиторлик палатаси» нотижорат ҳамкорлиги аудиторларининг Ўзини ўзи бошқарувчи ташкилоти филиалининг мутахассислари 2015 йилда Санкт-Петербургда аудит қанча туришини аниқладилар. Улар шимолий пойтахтда корхоналар бухгалтерия (молиявий) ҳисоботи мустақил аудиторлик текширувлари қийматини ташаббусли аноним сўровини ўтказдилар.
Аудиторлик хизматларининг қиймати бир талай омиллар ва ресурслар мажмуи бўлиб, текшириш учун уларни ишга солиш лозим. Кўпинча у киши-соатларда белгиланадиган аудит ўтказишнинг режадаги меҳнат ҳажмини хизматларнинг 1 киши-соати қийматига кўпайтириш йўли билан аниқланади. Баъзи компаниялар 1 киши-кун қийматидан фойдаланадилар.
Тадқиқотнинг кўрсатишича, 1 киши-соат қиймати 1 350 рубль – 2 600 рубль доирасида бўлади. Сўраб чиқилганларнинг 90%и ана шундай кўрсаткичларни қайд этишди (рақамлар ҚҚСсиз келтирилган). Бу текширувнинг нархи 135 000 рублдан 240 000 рублгачани ташкил қилади.
Бунда, Аудиторлик палатасининг маълум қилишича, аудитнинг энг кам қиймати камида 1 500 рубль/соатни ташкил этиши керак, бундан паст нархда сифатли текширувни ўтказиш даргумон. Мутахассисларнинг таъкидлашларича, нарх демпингида аудиторлик фирмаси лозим даражада сифатли текширувни таъминлаш ҳолатида бўлмайди ёки солиқлар ва мажбурий тўловлардан бўйин товлайди. Унда сифат етарлича назорат қилина олмайди ва фирма ходимлари касб бобида таҳсил ололмайди ва ривожланмайди.
Манба: audit-it.ru.