Norma.uz
Газета СБХ / 2015 год / № 6 / Божхона

Газламангиз имтиёзли рўйхатда

Корхонамиз тикувчилик буюмлари ишлаб чиқаради. Биз Президентнинг 2009 йил 28 январдаги қарори билан газламалар (ТИФ ТН бўйича коди – 5112 30 300 0) импортига берилган имтиёзлардан фойдаланиш ҳуқуқига эгамизми?

ХК директори.

 

– Президентнинг «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисида»ги Қарорининг (28.01.2009 йилдаги ПҚ-1050-сон) 3-банди билан 2016 йил 1 январгача бўлган даврга ноозиқ-овқат истеъмол товарлари ишлаб чиқаришга ихтисослашган корхоналарга бир қатор солиқ ва божхона имтиёзлари ҳамда преференциялари берилган (ПҚ-1050-сон Қарорга 2-илова). Улар жумласида Вазирлар Маҳкамаси томонидан тасдиқланадиган рўйхатлар бўйича импорт қилинадиган, ноозиқ-овқат истеъмол товарлари ишлаб чиқаришда фойдаланиладиган асбоб-ускуналар, бутловчи буюмлар, республикада ишлаб чиқарилмайдиган хом ашё ҳамда материалларни божхона тўловларидан (божхона расмийлаштируви йиғимларидан ташқари) озод этиш бор.

ПҚ-1050-сон Қарорни бажариш учун Вазирлар Маҳкамаси Республикада ишлаб чиқарилмайдиган, ноозиқ-овқат истеъмол товарлари ишлаб чиқариш учун фойдаланиладиган, Ўзбекистон Республикаси Президентининг 2009 йил 28 январдаги ПҚ-1050-сон Қарорига мувофиқ божхона тўловларидан (божхона расмийлаштируви йиғимларидан ташқари) озод қилинадиган бутловчи буюмлар, хом ашё ва материаллар рўйхатини (ВМнинг 4.09.2012 йилдаги 585-ф-сон Фармойишига 2-илова) тасдиқлади.

Мазкур Рўйхатнинг 42-бандида тараладиган жун калава ёки ҳайвонларнинг ингичка қилидан тараладиган калавадан тўқилган газламалар (ТИФ ТН бўйича кодлари – 5112 11 000 0 – 5112 90 990 0) белгиланган. Тегишинча, ТИФ ТНнинг 5112 30 300 0 коди билан классификацияланадиган, ноозиқ-овқат истеъмол товари ҳисобланган ва тайёр тикувчилик буюмларини ишлаб чиқаришда фойдаланиладиган товарга ПҚ-1050-сон Қарор билан белгиланган божхона имтиёзлари татбиқ этилади.

 

«Божхона» бўлимини махсус мухбиримиз Гулнора АБДУНАЗАРОВА олиб боради.

Прочитано: 3529 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика