Мен, ўзбекистонлик фуқаро билан никоҳда бўлган Россия фуқароси, Тошкентда квартира сотиб олишим мумкинми?
Т.Толмачева.
Екатеринбург фуқароси.
– Ҳа, сотиб олишингиз мумкин, бироқ агар сизда Ўзбекистонда яшаш гувоҳномаси бўлса ва Тошкентда доимий пропискадан ўтган бўлсангизгина.
Зеро, Вазирлар Маҳкамасининг «Чет эл фуқаролари ва фуқаролиги бўлмаган шахслар томонидан Ўзбекистон Республикасида уй-жой сотиб олинишини тартибга солиш тўғрисида»ги Қарорига (27.02.1999 йилдаги 92-сон) кўра уй-жойни олувчи томон хорижий фуқаролар ёки фуқаролиги бўлмаган шахслар ҳисобланганда Ўзбекистон ҳудудида жойлашган уй-жойни сотиб олиш, айирбошлаш ёки гаровга қўйиш битишувларини нотариал тасдиқлаш ва кейинчалик Ўзергеодезкадастр давлат қўмитасининг туман (шаҳар) ер тузиш ва кўчмас мулк кадастри давлат корхоналари томонидан унга бўлган ҳуқуқларни давлат рўйхатидан ўтказиш хусусан Ўзбекистон Республикаси ички ишлар органлари томонидан белгиланган тартибда берилган яшаш учун рухсатнома тақдим этилган тақдирда амалга оширилади.
