Norma.uz

Техник кўрикдан ўтишга тайёрланинг!

Сентябрда автомобилимни техник кўрикдан ўтказиш муддати келади. Уни энди фақат июнь ва августда ўтказишади деб эшитдим. Шундайми?

А.Хрулев.

Тошкент шаҳри.

 

– Жисмоний ҳамда юридик шахсларга тегишли бўлган транспорт воситаларини техник кўрикдан (ТК) ўтказиш тартиби Транспорт воситаларини мажбурий техник кўрикдан ўтказиш тартиби тўғрисида низом (ВМнинг 31.01.2003 йилдаги 54-сон Қарори билан тасдиқланган) билан тартибга солинади.

Юридик шахсларга қарашли бўлган транспорт воситалари техник кўрикдан йилига 2 маротаба ўтказилади. Бунда муҳим таъкидни қилиш жоиз. Улар транспортидан тижорат асосида йўловчилар ташиш учун фойдаланиш керак* ёки улар йирик габаритли, оғир вазнли ва хавфли юкларни ташиш учун махсус автомашиналар ва уларга тиркамалар бўлиши керак. Биринчи марта ТК – 1 мартдан 30 июнгача; иккинчи марта – 1 сентябрдан 31 октябргача ўтказилади.

Агар автомобилнинг ишлаб чиқарилганлигига 5 йилдан кўп бўлмаган бўлса (ишлаб чиқарилган йили ҳам шу жумлага киради), бундан юқорида кўрсатилган транспорт воситалари мустасно, 2 йилда 1 марта ўтказиш зарур. Ишлаб чиқарилган йилини ҳисобга олган ҳолда ишлаб чиқарилганлигига 5 йилдан ортиқ бўлган, шунингдек ишлаб чиқарилган йили аниқланмаган автомобиллар (юқорида кўрсатилган транспорт воситаларидан ташқари) 1 йилда 2 марта ТКдан ўтказилади. Бунда юридик шахсларга қарашли бўлган автотранспорт техник кўриги 1 мартдан 30 июнгача, жисмоний шахсларга – 1 январдан 31 августгача ўтказилади.

ТК транспорт воситасига боғлиқ ҳолда пулли асосда ўтказилади, бундан иккинчи марта техник кўрикдан ўтказиш мустасно.

Транспорт воситалари техник кўрикдан ўтказилганлиги учун (мототранспорт, тиркамалар ва ярим тиркамалардан ташқари) – ЭКИҲнинг 0,1 қисми (11 840 сўм) миқдорида йиғим ундирилади.

мототранспорт, тиркамалар, яримтиркамалар – ЭКИҲнинг 0,05 миқдорида (5 920 сўм) йиғим ундирилади. Тиркамалар ТК ярим тиркамалар учун белгиланган муддатларда (транспорт воситаси ярим тиркама деб топилганда) ўтказилади.

Маъмурий жавобгарлик тўғрисидаги кодекснинг 125-моддасида назарда тутилган ТКнинг мавжуд эмаслиги учун жавобгарлик тўғрисида эслатиш ортиқча бўлмайди: ҳайдовчиларнинг белгиланган тартибда рўйхатдан ўтказилмаган ёки мажбурий техник кўрикдан ўтказилмаган транспорт воситаларини бошқариши, ЭКИҲнинг (0,5) баравари (59 200 сўм) миқдорида жарима солишга сабаб бўлади.

 

Елена ЕРМОХИНА,

«Norma Profi» эксперти. 

 

*Енгил автомобиллар, автобуслар, троллейбуслар, трамвайлар ва ўтириладиган жойлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари.

Прочитано: 2155 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика