Пенсияга чиққанимга тўрт йил бўлди. Пенсияга доир жамғариш бадалларини фақат бир марта, 2011 йилда олдим. Халқ банкида шартномани расмийлаштириш чоғида менга Пенсия жамғармаси бўлимида берилган жамғарилган бадалларни олиш гувоҳномасининг асл нусхасини олиб қўйишди. Яқин вақт ичида ШЖБПҲ дафтарчасидан ўз пулларимни олмоқчиман. Мен бошқатдан гувоҳномани олишим керакми?
И.К., Тошкент шаҳри.
– Агар сиз банкка мурожаат қилган ва жамғарилган бадалларни олган бўлсангиз, олувчининг барча зарур маълумотлари унинг базасида сақланган бўлиши керак. Агар бундай қилинмаган бўлса, сиз яшаш жойингиздаги Пенсия жамғармаси бўлимига мурожаат қилишингиз мумкин ва сизга дубликат ёки қонун ҳужжатлари билан белгиланган шаклда янги гувоҳнома беришади (2.12.2004 йилдаги «Фуқароларнинг жамғариб бориладиган пенсия таъминоти тўғрисида»ги 702-II-сон Қонуннинг 18-моддаси).
Жамғариладиган бадалларни олаётганда банкка гувоҳнома нусхасини тақдим этишингиз, аслини эса ўзингизда қолдиришингизни тавсия қиламиз.
