Турмуш ўртоғим уруш қатнашчиси, ногирон эди. У вафот этганидан кейин имтиёзлар бўйича оиламиз ҳалок бўлган ҳарбий хизматчи оиласига тенглаштирилди ва мен пенсияга устама олдим.
2014 йил декабрида пенсиямни камайтиришди. Пенсия жамғармаси бўлимида менга айтишларича, «Фуқароларнинг давлат пенсия таъминоти тўғрисида»ги Қонун 28-моддасининг «и» банди шарти менга татбиқ этилмас экан, чунки турмуш ўртоғимнинг вафот этганлик гувоҳномасида ўлим сабаби – юрак ишемик хасталиги кўрсатилган. Пенсия жамғармаси ходимлари ҳақми?
С.Носирова.
– Ҳа, улар ҳақ. Пенсияларга устама ҳақлар вафоти ҳарбий хизмат ёки ички ишлар органларидаги хизмат мажбуриятларини бажариш билан боғлиқ ҳарбий хизматчиларнинг ҳамда ички ишлар органлари ходимларининг ота-оналарига ва янги никоҳдан ўтмаган бева хотинларига (бева эрларига) назарда тутилган (3.09.1993 йилдаги «Фуқароларнинг давлат пенсия таъминоти тўғрисида»ги 938-XII-сон Қонуннинг 28-моддаси «и» банди).
