● Чирчиқ шаҳридаги «Загида Коммсервис» ХУМШ тафтиш комиссиясининг аъзоси:
– ХУМШ молия-хўжалик фаолиятини тафтиш комиссияси томонидан текшириш учун ҳисоботнинг шакли мавжудми? Ширкат темир-терсакни топширишда нақд пул ишлатганлигини (бу ўринда машина, юк ортувчи ёллаш назарда тутилмоқда) қай тартибда асослаб бериши керак?
– ХУМШ фаолияти тафтиш комиссияси томонидан текширилиши ҳисоботининг махсус тасдиқланган шакли йўқ. Бу нарса ишларнинг режаси, даромадлар ва харажатлар сметаси, бажарилган ишлар далолатномаси асосида тайёрланади.
Темир-терсак топшириш масаласига келсак, иккиламчи қора металлар қабул базаси ҳисоб-китоб варағингизга топширилган темир-терсак ҳақини ўтказиб бериши керак. Бугунги кунда 1 тонна темир-терсакнинг қиймати 200 минг сўм атрофида. Бу сумма транспорт харажатларини, юк ташувчиларга бажарган иши учун тўланган ҳақни бемалол қоплайди, аммо бу нарса темир-терсак топширилганидан кейинги гап. Бунга қадар эса, Қонуннинг 30-моддаси талабларидан фойдаланиш мумкин.
