Norma.uz
Газета СБХ / 2020 год / № 7 / Жавоб берамиз

Нафақага қўшимча тўлов – исталган миқдорда

 

2019 йилда бола 2 ёшга тўлгунга қадар унинг парвариши бўйича нафақа 406 000 сўм миқдори белгиланган. 2019 йил 1 августдан корхона томонидан нафақа миқдори 446 000 сўмгача оширилган.

Хусусий ташкилотда бола 2 ёшга тўлгунга қадар унинг парвариши бўйича нафақа миқдорини унга ЖШДС солинмаган ҳолда ошириш мумкинми?

 

– 2019 йилда 2007 йилги Солиқ кодексининг 179-моддаси 20-бандига мувофиқ қонун ҳужжатларида белгиланган нафақаларга имтиёзлар назарда тутилган эди (вақтинча меҳнат лаёқатсизлик бўйича нафақа бундан мустасно). 2019 йилда Президентнинг қарори билан бола 2 ёшга тўлгунга қадар унинг парвариши бўйича нафақа 406 000 сўм миқдорида белгиланган (26.12.2018 йилдаги ­ПҚ-4086-сон қарорга 25-илова). Тегишинча, имтиёз тўловнинг шу қисмига қўлланилади.

Сизнинг ҳолатда корхона маблағлари ҳисобига тўланадиган нафақаларга қўшимча тўлов 40 000 сўмни (446 000 – 406 000) ташкил этади, у ишланмаган вақт учун тўланган тўлов ҳисобланади ва меҳнатга ҳақ тўлаш тарзидаги даромад деб эътироф этилади (2007 йилги таҳрирдаги СКнинг 172-моддаси, 175-моддаси 15-банди). Уларга ЖШДС ва ЯИТ солиниши лозим.

Хулоса: нафақа миқдорини оширишингиз мумкин эмас, бироқ унга қўшимча тўловни исталган миқдорда тўлай оласиз. Мазкур қўшимча тўловларга ЖШДС ва ЯИТ солинади.

 

Изоҳ: 2020 йил 1 февралдан бошлаб Ўзбекистон Республикаси ҳудудида бола 2 ёшга тўлгунга қадар бола парвариши бўйича нафақа 434 000 сўмни ташкил этади (30.12.2019 йилдаги ПҚ-4555-сон қарор ­7-банди ва унга 2-илова).

 

Замира ЖЎРАЕВА,

«Norma» МЧЖ эксперти. 

Прочитано: 389 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика