Жорий йилда мен ёшга доир пенсияга чиқаман. Муайян муддат мобайнида қизилмия ва шифобахш ўтлар етиштириш ҳамда тайёрлаш бўйича мавсумий ишларда банд бўлдим, бу ҳақда меҳнат дафтарчамда ёзув бор. Стажни ҳисоблаётганда мавсумий ишчи бўлиб ишлаган давримни ҳисобга олишадими?
Б.Қурбонбоев.
Тошкент вилояти.
– Ҳа, мазкур давр пенсия тайинлашда, башарти суғурта бадаллари тўланган бўлса, умумий стаж ҳисоб-китобида инобатга олинади («Фуқароларнинг давлат пенсия таъминоти тўғрисида»ги Қонуннинг3 32-моддаси, бундан кейин – Қонун).
Бундай ходимларга пенсияни ҳисоблаб чиқариш учун олинадиган ўртача ойлик иш ҳақи, ишдаги мавжуд танаффуслардан қатъи назар, меҳнат фаолиятининг охирги 10 йили давомидаги исталган кетма-кет 5 мавсумдаги (пенсия сўраб мурожаат этган кишининг танлови бўйича) қайта ҳисобланган иш ҳақининг умумий миқдорини 60 га бўлиш йўли билан аниқланади (Қонуннинг 31-моддаси).
33.09.1993 йилдаги 938-XII-сон.
