МЧЖ шаклидаги хусусий спорт-соғломлаштириш комплексида Ўзбекистон терма жамоаси таркибида қатнашадиган паралимпиадачи спортчилар шуғулланадилар. Бепул ва ҳақ эвазига шуғулланиш вариантлари кўриб чиқилмоқда.
Ўзбекистон терма жамоасидаги катта ёшли спортчилар шуғулланадиган фитнес-клублар учун ЯСТ бўйича имтиёзлар борми?
Л.Педиева.
– Амалдаги қонунчиликда Ўзбекистон терма жамоаси таркибида қатнашадиган спортчиларга хизматлар кўрсатувчи корхоналар учун ЯСТ бўйича имтиёзлар назарда тутилмаган.
Бепул хизматлар кўрсатаётганда мазкур вазиятда ЯСТ хизматлар таннархидан ҳисоблаб чиқарилиши ва тўланишини инобатга олиш лозим. Ушбу норма жисмоний тарбия ва спорт муассасаларига бепул хизмат кўрсатишга татбиқ этилмайди (Солиқ кодексининг 355-моддаси).
Чунончи, корхона спортчилар билан эмас, балки улар аъзоси ҳисобланган жисмоний тарбия ва спорт муассасаси билан шартнома тузса, текинга кўрсатилган хизматлар таннархига ЯСТ ҳисобламайди.
Жавобларни «Norma» МЧЖ экспертлари тайёрладилар.
