МЧЖ қиймати 9 ЭКИҲга тенг бўлган касса аппаратини сотиб олди. Корхонада қиймати 20 ЭКИҲдан ортиқ бўлган мол-мулк асосий воситалар деб ҳисобланади.
Касса аппаратини ТМЗ сифатида кирим қилиш ва балансдан ташқари счётга ҳисобдан чиқариш мумкинми? Касса аппарати ҳисоби қандай юритилади?
Б.Умидова.
– Ҳа, касса аппарати ТМЗ сифатида кирим қилиниши лозим, сабаби унинг қиймати активларни инвентарь ва хўжалик анжомлари сифатида тан олиш мезонига тўғри келади (АВ томонидан 17.07.2006 йилда 1595-сон билан рўйхатдан ўтказилган 4-сон БҲМСнинг 6-банди). Фойдаланишга жорий этилаётганда унинг қиймати сотиш бўйича давр харажатларига тўлиқ ҳисобдан чиқарилади (ВМнинг 5.02.1999 йилдаги 54-сон қарори билан тасдиқланган Низомнинг 2.1.2.18-банди).
Фойдаланишда бўлган инвентарь бут сақланиши учун унинг ҳисоби 014-«Фойдаланишдаги инвентарь ва хўжалик анжомлари» балансдан ташқари счётида юритилади, бунда фойдаланишга келиб тушиш санаси (ой, йил), фойдаланиш жойи ва улардан фойдаланиш муддати мобайнида моддий жавобгар шахслар кўрсатилади (4-сон БҲМСнинг 59-банди).
Касса аппарати кейинчалик фойдаланиш учун яроқсиз бўлганда белгиланган тартибда расмийлаштирилган ҳисобдан чиқариш далолатномаси асосида балансдан ташқари счётдан ҳисобдан чиқарилади (Йўриқноманинг 99-банди, АВ томонидан 23.10.2002 йилда 1181-сон билан рўйхатдан ўтказилган 21-сон БҲМСга 2-илова).
Касса аппарати бухгалтерия ҳисоби бўйича проводкалар қуйидагича:
|
Хўжалик операциясининг мазмуни
|
Счётлар корреспонденцияси
|
|
|
дебет
|
кредит
|
|
|
Етказиб берувчилардан касса аппарати олинди
|
1080-«Инвентарь ва хўжалик анжомлари»
|
6010-«Мол етказиб берувчилар ва пудратчиларга тўланадиган счётлар»
|
|
Касса аппарати фойдаланишга жорий этилди
|
9410-«Сотиш харажатлари»; 014-«Фойдаланишдаги инвентарь ва хўжалик анжомлари» |
1080-«Инвентарь ва хўжалик анжомлари»
|
Жавобларни «Norma» МЧЖ экспертлари тайёрладилар.
