Ходим касаллик варақасини кечикиб олиб келди…

МК 257-моддаси ўртача иш ҳақи ва уни ҳисоблаб чиқариш тартибини белгилайди. Унга кўра, ўртача иш ҳақи у ҳисобланадиган ойдан олдинги ўн икки ойни ташкил этувчи ҳисоб-китоб даври ёхуд агар ходим ўн икки ойдан кам ишлаган бўлса, амалда ишланган давр учун ходимга ҳисобланган иш ҳақидан келиб чиққан ҳолда белгиланади. Агар 2024 йил 25-30 декабрь саналарида касал бўлган ходим касаллик варақасини 2025 январь ойида олиб келса, шунда унга нафақа ҳисобланган ой январь бўлаяпти. Демак, ҳисобланадиган ойдан олдинги ўн икки ойлик давр 2024 йилнинг январидан декабригача бўладими? Ушбу модданинг «у ҳисобланадиган ойдан олдинги ўн икки ойни» иборасига тушунтириш берсангиз.