Norma.uz
Газета СБХ / 2020 год / № 12 / Божхона

Республикада реализация қилинганда имтиёзлар сақланади

 

2016 йилнинг августида Рўйхатга (АВ томонидан 2436-сон билан рўйхатдан ўтказилган) биноан божхона божи ва ҚҚС тўлашдан озод этилиш имтиёзи асосида асбоб-ускунани харид қилдик.

Асбоб-ускуна янги ҳисобланадими? Унга нисбатан имтиёз ҳозиргача амал қиладими?

Вазият қуйидагича: асбоб-ускунани янгиламоқчимиз, 2016 йилда импорт қилинганини эса анчайин паст нархларда хусусий корхонага сотиб юбормоқчимиз.

Импорт қилинган товар сотилган тақдирда, биз тўлашдан озод этилган тўловларни тўлашимиз керак бўлмайдими?  

 

– Ўзбекистон Республикаси ҳудудига олиб киришда импорт божхона божи ва қўшилган қиймат солиғидан озод қилинадиган технологик жиҳозлар рўйхатига (АВ томонидан 20.03.2013 йилда 2436-сон билан рўйхатдан ўтказилган) изоҳда «янги технологик ускуна» деган тушунча келтирилган.  Бу «Эркин муомалага чиқариш» божхона режимида божхона расмийлаштируви вақтида, унинг ишлаб чиқарилганига 3 йилдан кўп бўлмаган технологик ускунадир. Ундан фойдаланиш далили бунга таъсир кўрсатмайди, ускунанинг янгилиги кузатув ҳужжатлари бўйича белгиланади. Масалан, импорт режимига расмийлаштиришда олиб кирилаётган технологик асбоб-ускунанинг ишлаб чиқарилган йили ишлаб чиқарувчи заводнинг ускунанинг ишлаб чиқариш йили кўрсатилган техник паспорти билан ёхуд ишлаб чиқарувчининг ускуна у томондан ишлаб чиқарилганлиги тўғрисидаги, шу жумладан ишлаб чиқарилган сана ҳақидаги тегишли ахборотга эга бўлган ҳужжат билан тасдиқланади.  

Бундай асбоб-ускунани реализация қилиш тартиби Маблағларни инвестицияга йўналтирувчи юридик шахслар томонидан имтиёзларни қўллаш тартиби тўғрисидаги низомнинг (АВ 25.08.2017 йилда 2918-сон билан рўйхатдан ўтказилган) 3-бобида белгиланган.

Божхона имтиёзларини қўллаган ҳолда импорт қилинган технологик жиҳоз олиб кирилган пайтдан эътиборан 3 йил ичида сотиб юборилган ёки текинга берилган тақдирда, божхона тўловлари бўйича имтиёзларнинг амал қилиши бекор қилинади. Тўланиши лозим бўлган тўловларни тўлаш бўйича мажбурият асбоб-ускунани экспорт қилувчига юклатилади. Экспорт қилувчи божхона органларига технологик жиҳозни импорт қилишда божхона расмийлаштируви амалга оширилган БЮДнинг кўчирма нусхасини тақдим этиши лозим.

Божхона имтиёзларини қўллаган ҳолда импорт қилинган технологик асбоб-ускуна Ўзбекистон ҳудудида реализация қилинган ёки бепул берилган тақдирда, божхона тўловларини тўлаш бўйича мажбуриятлар юзага келмайди. Бунда импорт қилинган технологик асбоб-ускунани бераётган томон (импорт қилувчи, сотувчи, эгаси) харидорга асбоб-ускунани импорт қилишда божхона расмийлаштируви амалга оширилган БЮДнинг кўчирма нусхасини тақдим этиши лозим.

Низомда белгиланган имтиёзларнинг тўғри қўлланиши устидан назоратни Солиқ кодексига мувофиқ солиқ органлари амалга оширади.

Прочитано: 452 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика