Norma.uz
Газета Норма маслахатчи / 2019 год / № 33 / Сизнинг ҳуқуқингиз

Воситачилик фаолияти ва якка тартибдаги тадбиркор

 

Якка тартибдаги тадбиркор билан агентлик шартномасини тузмоқчимиз, шартнома шартларига кўра у ҳақ эвазига ўз номидан ва бизнинг ҳисобимиздан жисмоний шахслардан мева-сабзавот маҳсулотларини сотиб олади.

Якка тартибдаги тадбиркорнинг фаолият тури «Импорт қилиш ва чакана савдо» бўлса, у билан бундай агентлик (воситачилик) шартномасини тузса бўладими?

 

– Йўқ, якка тартибдаги тадбиркор мева-сабзавот маҳсулотлари хариди бўйича воситачилик фаолияти билан шуғулланишга ҳақли эмас.

Якка тартибдаги тадбиркор чакана савдо билан шуғулланишга ҳақлидир. Чакана савдо – савдо соҳасида пировард истеъмолчи учун, тижорат мақсадларида фойдаланиш ҳуқуқисиз аҳолига нақд пулга доналаб ёки унча кўп бўлмаган миқдорда товарлар сотишни назарда тутувчи фаолиятни амалга ошириш (Қоидаларнинг 3-банди, ВМнинг 13.02.2003 йилдаги 75-сон қарорига 1-илова). Кўриб чиқилаётган вазиятда мева-сабзавот маҳсулотларини сотиб олиш бўйича воситачилик фаолияти юз беряпти. Ушбу фаолият якка тартибдаги тадбиркорлар шуғулланиши мумкин бўлган фаолият турлари рўйхатида келтирилмаган.

 

Альберт Сафин, «Norma» МЧЖ эксперти.

 

Прочитано: 797 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика