Norma.uz
Газета СБХ / 2018 год / № 30 / Божхона

Тамагирлик пайи қирқиладиган бўлди

 

Сирдарё вилояти божхона бошқармаси Вазирлар Маҳкамасининг «Жисмоний шахслар томонидан Ўзбекистон Республикасига товарларни олиб ўтиш тартибини такомиллаштиришга доир қўшимча чора-тадбирлар тўғрисида»ги қарори (22.06.2018 йилдаги 463-сон) ижросига доир бир қатор ишларни амалга оширмоқда.

 

Жумладан, ДБҚ томонидан тегишли тузилма ҳамда чегара божхона постлари ходимлари иштирокида ўтказилган видеоконференция йиғилишида қарор талаблари амалиётда тўғри қўлланилиши борасида кўрсатмалар берилди.

Бундан ташқари, чегара божхона пости ҳамда автомобиль ўтказиш пунктлари шахсий таркиби ходимларининг қарор талабларидан келиб чиқиб билим савиясини янада ошириш мақсадида қўшимча машғулотлар ташкил этилди, махсус синовлар ўтказилди. Ҳужжат билан белгиланган меъёрлардан тамагирлик ва бошқа шахсий мақсадларда фойдаланиш ҳолатларига йўл қўймаслик бўйича ходимларга йўриқномалар берилди, бу борада салбий ҳолатлар аниқлангудек бўлса, соҳа вакилларига нисбатан кескин чоралар кўрилиши бўйича ҳар бир ходим расман огоҳлантирилди.

Ҳар қандай тушунтириш ва тарғибот-ташвиқот ишлари амалий воқелик билан боғлиқ тарзда ўтказилса уларнинг самараси таъсирчан бўлади. Шунинг учун «Сирдарё», «Ховособод» чегара божхона постлари ҳамда «Оқолтин», «Малик» автомобиль ўтказиш пунктларида жамоатчилик вакиллари ҳамда фуқароларни жалб этган ҳолда учрашувлар ўтказилгани айни муддао бўлди.

Сирдарё вилояти адлия бошқармасида юқоридаги қарор ижросини таъминлашга бағишланган брифингда ҳам божхона хизмати мутасаддилари қатнашчиларга божхонадан товар олиб ўтишдаги энг сўнгги ўзгаришларни атрофлича тушунтириб бердилар. Бу эса содир этилиши мумкин бўлган қонунбузарликларнинг олдини олишда профилактик тадбир бўлди.

 

Жисмоний ва юридик шахсларнинг мурожаатларини узлуксиз қабул қилиш мақсадида Сирдарё вилояти божхона бошқармасида «Фуқароларни қабул  қилиш хонаси – Халқ қабулхонаси» ҳамда (0 367)-225-48-67 рақамли «Ишонч телефони» фаолият кўрсатмоқда. Қизиқувчилар божхона қонунчилигига оид масалалар, шунингдек божхона қоидабузарликлари ҳамда божхона ходимларининг ноқонуний хатти-ҳаракатлари юзасидан бошқарманинг ушбу телефон рақамига қўнғироқ  қилишлари мумкинлиги, шунингдек бошқарманинг манзили Гулистон шаҳар, Сайхун кўчасида жойлашганлиги эслатиб ўтилди.

 

Сирдарё вилояти божхона бошқармаси Ахборот хизмати.

Прочитано: 611 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2018 г. Все права защищены.
18+   Яндекс.Метрика