Илтимос, айтиб юборсангиз, пенсионер санаторийда бепул дам олиши мумкинми?
– Йўлланма олиш учун сиз ДХМга ёки Ягона интерактив давлат хизматлари порталига мурожаат қилишингиз лозим. Сўровнома белгиланган шакл бўйича тўлдирилиши керак. Бундай хизмат кўрсатилгани учун йиғим ундирилмайди (19.11.2021 йилдаги 693-сон ВМҚ).
Йўлланмалар қуйидаги тартибда тақдим этилади:
а) ҳар йили:
• қуйидаги шахсларга:
• уруш ногиронларига тенглаштирилган шахсларга;
• республика аҳамиятига молик шахсий пенсия олувчи шахслар;
• Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек, Чернобиль АЭС ҳалокати сабабли ногирон бўлиб қолган шахсларга;
• ядро полигонлари ва бошқа радиация-ядро объектларида ҳарбий хизматни ўтаган пенсия ёшидаги шахсларга;
• ўзгалар парваришига муҳтож бўлган ёлғиз кексаларга;
б) икки йилда бир маротаба:
• уруш қатнашчиларига тенглаштирилган шахсларга;
• ҳалок бўлган ҳарбий хизматчиларнинг бева хотинларига (бева эрларига);
• I ва II гуруҳ ногиронлиги бўлган шахсларга, I гуруҳ ногиронини қараб турувчи шахсга;
в) уч йилда бир маротаба:
• ёшга доир пенсия олувчиларга.