Norma.uz
Газета СБХ / 2020 год / № 43 / Жавоб берамиз

Хизмат квартираси учун мол-мулк ва ер солиқларини тўлаш зарурми

 

Корхонага кўп қаватли уйдаги квартира тегишли бўлиб, у вилоят филиалларидан хизмат сафарига юборилган ходимларнинг яшаши учун фойдаланилади. Ушбу кўчмас мулк объекти бўйича мол-мулк ва ер солиқларини тўлаш зарурми? 

 

Ушбу саволга жавоб беришни buxgalter.uz ДСҚ Солиқ солиш бўйича маслаҳат бошқармаси бошлиғи Азиз ҲОШИМОВдан илтимос қилди.

 

Мол-мулк солиғи

– Корхонага тегишли квартира мулк ҳуқуқи кадастр органида рўйхатдан ўтказилиши лозим бўлган кўчмас мулкка киради. Бинобарин, у мол-мулк солиғи солиш объекти ҳисобланади (СК 411-м.).

Квартиранинг ўртача йиллик қолдиқ қийматига 2% ставка бўйича солиқ солинади (СК 412, 413, 415-м.).

 

Ер солиғи

Кўп квартирали уйлар эгаллаган ерлар ер солиғи солиш объекти сифатида ҳисобланмайди, бундан яшаш учун мўлжалланмаган кўчмас мулк объектлари эгаллаган ер участкалари мустасно (СК ­426-м. 2-қ. 12-б.).

Бироқ агар сиз ушбу ер участкаларидан хўжалик фаолиятини юритиш учун фойдалансангиз, уларга солиқ солинади (СК 426-м. 3-қ.).

Агар кўп қаватли уйдаги квартирадан ўз ходимлари, шу жумладан бошқа жойлардан хизмат сафарига юборилган ходимлари учун хизмат уй-жойи сифатида фойдаланилса, корхона ер солиғини тўлаши керак эмас. 

 

Агар кўп квартирали уйдаги бинодан турар-жой бўлмаган бино сифатида фойдаланилса, ер солиғини тўлаш зарур. Масалан – офисни жойлаштириш учун. Кўп қаватли уйларда турар-жой бўлмаган бинолар бўйича ер солиғи бинонинг қаватлар сонига бўлинган майдонига қараб ҳисобланади («2020 йил учун Ўзбекистон Республикасининг Давлат бюджети тўғрисида»ги Қонуннинг 9-иловасига 7-изоҳ). Бинонинг майдони кадастр ҳужжатларида кўрсатилган.

 

МИСОЛ. Турар жой бўлмаган бино бўйича ер солиғи ҳисоб-китоби

Корхонага майдони 180 кв.м бўлган, 9 қаватли уйнинг биринчи қаватида, Тошкент шаҳрининг 2-зонасида жойлашган турар жой бўлмаган бино тегишли. Ер солиғи қандай ҳисоблаб чиқарилади?

Юридик шахслардан олинадиган ер солиғи 0,002 га (180 / 9 / 10 000) га тенг ер участкаси майдони ва тегишли солиқ ставкасидан келиб чиқиб ҳисоблаб чиқарилади. Маълумот учун: 1 га = 10 000 кв.м.

2020 йил учун юридик шахслардан олинадиган ер солиғи ставкаси Тошкент шаҳрининг 2-зонаси учун 1 гектар учун 144 817 718 сўмни ташкил этади (589-сон Қонунга 9-илова).

Ер солиғининг йиллик суммаси: 0,002 х 144 817 718 = 289 635,44 сўм.

 

Таҳририятдан: турар жойни қандай қилиб нотурар жойлар тоифасига ўтказиш ҳақида «Офисни квартирада очиш қонунийми?» материалида ўқинг («СБХ», 6.10.2020 йилдаги 40-сон).

Прочитано: 323 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика