Корхона автомобилни ҚҚС билан сотиб олган. У хизмат мақсадлари учун олинганлиги сабабли ҚҚС ҳисобга олинмади ва таннархга киритилган. Кейинчалик автомобилга амортизация ҳисобланган. Энди уни сотишга қарор қилинди.
Кейинчалик автомобиль сотилганда корхона ҚҚСни ҳисобга олиши мумкинми?
– Хизмат мақсадлари учун сотиб олинган автомобиль бўйича ҚҚС ҳисобга олинмайди. Солиқ суммаси сотиб олинган автомобилнинг қийматида ҳисобга олинади (СК 267-м. 2-қ. 1-б., 3-қ.).
Автомобилни сотиш ҚҚС солинадиган товарларни реализация қилиш бўйича айланма ҳисобланади (СК 239-м. 1-қ. 1-б.).
Сотиб олинган товарлар (хизматлар) бўйича СКнинг 267-моддаси 1-қисми 1-4-бандларига мувофиқ сотиб олиш чоғида ҳисобга олинмаган ҚҚС суммаси келгусида улар солиқ солинадиган айланма учун фойдаланилган ҳолларда тузатилади (ҳисобга олинади) (СК 269-м. 2-қ.).
Бинобарин, корхона хизмат мақсадларида олинган автомобилни кейинчалик сотганда ҚҚСни ҳисобга олишга ҳақли эмас.
Азизахон ТОШХЎЖАЕВА,
«Norma» МЧЖ эксперти.