Norma.uz
Газета СБХ / 2019 год / № 33 / Амалий бухгалтерия

Бошқа шахсга бериш шартномаси ва ҳисобварақ-фактурани расмийлаштиринг

 

Компания автомобилни (асосий восита) сотди. Харидор ҳисоб-маълумотномада етказиб бериш суммасини ҚҚСни ҳисобга олмаган ҳолда кўрсатишни талаб қилмоқда. Ҳар икки корхона ҚҚС тўловчиси ҳисобланади.

Автомобиль сотилганда ДЙҲХХга тақдим этиладиган ҳисоб-маълумотномада ҚҚС суммасини кўрсатиш керакми?

 

– Автомототранспорт воситасини давлат рўйхатидан ўтказиш учун ҳудудий ДЙҲХХ органларига ихтисослаштирилган савдо корхонаси томонидан бериладиган ҳисоб-маълумотнома тақдим этилади.

Қуйидагилар махсус савдо ташкилотига киради:

● ишлаб чиқарувчининг вакили;

● воситачи (дистрибьюторлик) ташкилоти.

Ҳисоб-маълумотнома автомототранспорт воситасига бўлган мулк ҳуқуқи ёки бошқа ашёвий ҳуқуқларни тасдиқловчи ҳужжат бўлиб ҳисобланади (Низомнинг 16, 18-бандлари, ВМнинг 31.08.2017 йилдаги 683-сон қарорига 1-илова).

Сотувчи махсус савдо ташкилоти ҳисобланмайди. Шунинг учун транспорт воситаси сотилганда ҳисоб-маълумотнома расмийлаштирилмайди.

Лекин автомототранспорт воситасини бошқа шахсга бериш тўғрисида шартнома ва ҳисобварақ-фактура мажбурий тартибда расмийлаштирилади (ФКнинг 386-моддаси; Солиқ кодексининг 222-моддаси).

Тегишли равишда сотувчиси ихтисослаштирилган савдо корхонаси ҳисобланмаган автомобилнинг харидори ҳисоб-маълумотноманинг ўрнига ҳисобварақ-фактура олади. Автотранспортни сотиш солиқ солинадиган оборотдир, шундай экан, сотувчи ҚҚС тўловчиси бўлганлиги сабабли ҳисобварақ-фактурада ҚҚС суммаси кўрсатилади (Солиқ кодексининг 199, 222-моддалари).

 

Жавобни «Norma» МЧЖ экспертлари тайёрладилар.

 

Прочитано: 755 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика