Акам болаликдан ногирон, у нафақа олади. 18 ёшда. Ўз имкониятларини ҳисобга олган ҳолда у ишга кирди. Унда нафақа олишга бўлган ҳуқуқ сақланиб қоладими?
И.Стожин.
– Ҳа, сақланиб қолади. Болаликдан ногиронларга ва ўн саккиз ёшга тўлмаган ОИВ инфекциясига чалинган шахсларга нафақалар тайинлаш ва тўлаш тартиби тўғрисида низомнинг (ВМнинг 7.04.2011 йилдаги 107-сон Қарорига 1-илова) 18-бандига мувофиқ ОИВ инфекциясига чалинган шахсга ва 16 ёшдан катта болаликдан ногиронга тайинланган нафақа, унга унинг ҳақ тўланадиган ишни бажаришидан ёки бошқа турдаги даромадлар (стипендиялар, алиментлар ва шу кабилар) олишидан қатъи назар, тўланади.
Ногирон болага тайинланган нафақа унга бошқа пенсиялар ва нафақалар, шу жумладан боқувчисини йўқотганлик пенсияси ёки нафақаси олишидан қатъи назар, тўланади.
Нафақаларнинг ҳар хил турларини олиш ҳуқуқига эга бўлган 16 ёшдан катта болаликдан ногиронга унинг танлаши бўйича нафақанинг бир тури тайинланади.
Мавзувий сонни мухбиримиз Алла РОМАШКО олиб боради.