Norma.uz
СБХ / 2021 йил / № 29 / Бухгалтерга ёрдам

Чекдаги QR-код бухгалтерияга қандай ёрдам беради

 

Кўпинча бухгалтер онлайн-НКМ чекини ҳисоб-китобга қабул қилишига тўғри келади. Агар у тўғридан-тўғри касса аппаратидан чоп этилмаган бўлса, балки, мисол учун, сканер қилиниб, бухгалтерияга почта орқали жўнатилган бўлса, унга жўнатишдан олдин «тузатиш киритилганлиги»ни истисно қилиб бўлмайди. Онлайн-НКМ чекининг ҳақиқийлигини ва тўлов суммасини қандай текширишни ДСҚ ҳузуридаги «Янги технологиялар» ИАМ Онлайн-НКМ ва виртуал кассалар бўлими бошлиғи Элнор ФОЗИЛОВ гапириб берди: 

 

– Онлайн-НКМ ёки виртуал касса чекининг ҳақиқийлигини текшириш жуда осон.

Унинг мажбурий реквизити – QR-коди – бу фискал маълумотлар оператори (ФМО) серверидаги чекнинг электрон аслига жонли ҳавола ҳисобланади.

Ходим томонидан тақдим этилган чекнинг барча маълумотлари аслида ФМО сайтида электрон чекнинг маълумотларига тўлиқ мос келиши керак.

 

Қадамма-қадам йўриқнома

1. Смартфонда QR-кодларини ўқиш учун дастурни ёқинг, камерани чекнинг QR-кодига қаратинг.

Смартфонларнинг баъзи моделлари QR-кодларини сканерлаш махсус дастурини ўрнатмаслик ва камерани QR-кодига олиб келганда ҳаволани генерация қилиш имконини беради.

2. Таклиф этилган ҳавола бўйича ўтинг, чекнинг электрон версияси очилиши керак.

Агар базада бўнак ҳисоботига илова қилинган чекнинг маълумотлари мавжуд бўлмаса, ходимни дарҳол инсофсизга чиқаришга шошилманг. Бу ҳаракатни 24 соатдан сўнг такрорлаб кўринг.

Сотувчининг боғланиш маълумотларини билиш учун чекда барча зарур маълумотлар мавжуд. Унда ҳақиқатан фискал модулли НКМ ҳисобда туришини аниқлаштиринг. Унинг кассаси ишида носозликлар бўлмаганлигини билиб олинг (шу сабабли сотиш тўғрисидаги маълумотлар дарҳол ДСҚ базасида кўринмаслиги мумкин).

3. Агар чекда ФМБ базасидаги асли билан номувофиқликни аниқласангиз, касса чекини ҳисобга қабул қилманг. Аниқланган тафовутлар тўғрисида ходимга хабар беринг ва тушунтириш беришни сўранг. Шунингдек, сиз ДСҚга маълумотлари базада мавжуд бўлмаган чекни олганлигингизни маълум қилишга ҳақлисиз.

QR-кодининг фойдаси

Қоғоз шаклидаги чекда маълумотлар вақт ўтиши билан ўчиб кетади.

Ўзингизда чекнинг бошланғич электрон маълумотларига ҳаволаларни сақлаб қўйинг. Улар ёрдамида сиз ҳар доим чекни солиққа оид ҳуқуқбузарликлар бўйича даъво қилишнинг бутун муддати мобайнида чоп этишингиз мумкин бўлади.

Шуниси эътиборга лойиқки, QR-коди билан чоп этилган чекни тасдиқлаш шарт эмас, шу боис QR-коди ёрдамида ҳар доим ДСҚ серверларида сақланадиган унинг электрон вариантига кириш мумкин.

 

Олег ГАЕВОЙ тайёрлади.

 

Ҳавола бундай бошланиши керак: https://ofd.soliq.uz/check?t... . Бу чек ҳақиқатда ДСҚ маълумотлар базасида жойлашганини билдиради. Шундай бўлмаган тақдирда, олдингизда турган чек сохта бўлиши мумкин.

Прочитано: 639 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика