Обороти 3 млрд сўмдан ортиқ бўлган корхона статистика маълумотларига кўра кичик корхоналар жумласига киради (КТЯДРдаги маълумотлар). У солиқ ҳисоботларини қандай топширсин: кичик корхона сифатидами ёки йирик корхона сифатидами?
– Корхонанинг кичик бизнесга мансублиги, илгаригидек, Кичик тадбиркорлик субъектларига тегишли бўлган ташкилотларнинг таснифлагичига (ВМнинг 24.08.2016 йилдаги 275-сон қарорига 1-илова) мувофиқ белгиланади.
Кичик бизнес субъектлари ва бошқа субъектлар учун ҳисобот тақдим этишнинг ҳар хил даврийлиги ва муддатлари белгиланган. Йиллик оборотнинг 3 млрд сўмдан ошиши корхона энди кичик корхона ҳисобланмайди дегани эмас. Солиқ қонунчилигига киритилган ўзгартиришларга кўра, йиллик оборотга қараб қўлланиладиган солиқ солиш тизими: ЯСТ ёки умумбелгиланган солиқлар тўланиши аниқланади.
2018 йилда корхонанинг асосий фаолият тури бўйича ходимларнинг ўртача йиллик сони кичик корхона мезонларига мувофиқ келса, оборот миқдоридан қатъи назар, 2019 йилда ҳисоб-китобларни кичик бизнес субъекти сифатида топшириши керак (Солиқ кодексининг 22-моддаси).
Жавобни «Norma» МЧЖ экспертлари тайёрладилар.
