2018 йил якунлари бўйича товарларни (ишларни, хизматларни) реализация қилишдан олинган тушуми 1 млрд сўмдан ошган якка тартибдаги тадбиркорлар Президентнинг «Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020–2021 йилларга бюджет мўлжаллари тўғрисида»ги қарорининг (26.12.2018 йилдаги ПҚ-4086-сон) 8-бандига мувофиқ, 2019 йил 1 январдан умумбелгиланган солиқларни тўлашга ўтади.
Бунда товарларни (ишларни, хизматларни) реализация қилишдан олинган тушуми 3 млрд сўмдан кам бўлган якка тартибдаги тадбиркорлар қўшилган қиймат солиғини ҳисоблаб чиқариш ва тўлашнинг соддалаштирилган тартибидан фойдаланишлари мумкин.
Бундан ташқари, якка тартибдаги тадбиркорларнинг товарларни (ишларни, хизматларни) реализация қилишдан олинган тушуми 100 млн сўмни ташкил этган, бироқ 1 млрд сўмдан ошмаган бўлса, улар ягона солиқ тўловини тўлашга ўтишлари керак.
ДСҚнинг жамоатчилик билан алоқалар ва
ҳуқуқий ахборот бўлими хабари асосида.
