Мен ишлайдиган бўлимни қисқартиришни режалаштиришяпти. Мен беваман, ўғлим университетнинг III курсида ўқийди. Мени қисқартиришга ҳақлари борми? Раҳбариятнинг маълум қилишича, бўлим тугатилиши сабабли мени штатлар қисқариши муносабати билан ишдан бўшатишга ҳақли эканлар. Иккинчи саволим: менга худди шундай маош билан иш таклиф қилишлари керакми ёки бундан кам ҳақ тўланадиган иш бера оладиларми?

Ҳомиладорлик ва туғиш таътилида бўлган аёлни штат жадвалида унинг лавозими қисқариши муносабати билан унинг розилигисиз бошқа лавозимга ўтказиш мумкинми?

Маъмуриятда фақат мен (бухгалтер-кассир), бош бухгалтер ва директор бор. Ишдан бўшаш тўғрисида оғзаки мурожаатимга директор эътибор бермади. Мен ёзма тарзда мурожаат қилдим, бироқ директор аризамни имзоламаяпти ва «вақтим бўлганда қарайман», – деяпти. Бош бухгалтердан ўз аризам нусхасини тасдиқлатиб олишим мумкинми?

Корхонанинг моддий жавобгар шахслари, шу жумладан қоровуллар бошлиғи билан фуқаролик-ҳуқуқий тусдаги шартномани расмийлаштириш мумкинми?

Иш берувчи меҳнат дафтарчасини олиб қўйди ва меҳнат шартномасини расмийлаштирмаяпти. Айтиб берсангиз, қандай муддатда меҳнат шартномаси расмийлаштирилиши ва меҳнат дафтарчасига ёзувлар киритилиши керак?

Иш берувчи ходимни бир йилга мукофотдан маҳрум қилиш ҳуқуқига эгами? Агар эга бўлса, бунинг учун у қандай асосларга эга бўлиши керак?

Иш берувчи ходимларнинг меҳнат шартномаларига қўшимча битимларни тайёрлади, уларда дам олиш кунида ишлашда икки баравар ҳақ ўрнига дам олиш куни (отгул) берилиши ёзилган. Ходимлар бундай битимни имзолашдан бош тортишяпти. Бироқ иш берувчи уларни имзолашга мажбур қилмоқда. Унинг ҳаракатлари устидан шикоят қилса бўладими?

Охирги касбий кўрикда ходимнинг кўриш қобилияти ёмонлашганлиги ва ишни гўё бажара олмаслиги аниқланди. Тиббий комиссия хулосани тақдим этгандан кейин уни ишдан бўшатишлари, кейинроқ эса ишга қўймаслик тўғрисида қарор чиқаришлари мумкинми? Агар мумкин бўлса, қандай ҳужжат бунга асос бўлади? Ушбу ҳолда нима қилишимиз мумкин?

Иш берувчи ишдан бўшатишда иш ҳақимдан малака ошириш курсларида ўқитиш суммасини ушлаб қолишга ҳақлими?

Ёзда таътилга чиқмоқчимисиз – буни қишда, аниқроғи календарь йилнинг охирида режалаштиринг. Бу Меҳнат кодексимизда (143-модда) назарда тутилган: йиллик асосий таътил иккинчи ва ундан кейинги иш йиллари учун таътиллар жадвалига мувофиқ иш йилининг исталган вақтида берилади.

Мен ишдан бўшадим, мен билан ҳозиргача ҳисоб-китоб қилишмади ва меҳнат дафтарчамни беришмаяпти. Агар қўнғироқ қилсам, ҳали ҳисоб-китоб қилиб бўлишмаганини ва ўзлари қўнғироқ қилишларини айтишади. Бошқа ишга кира олмаяпман. Шу тарзда бир ойча вақт ўтди. Нима қилиш керак?

Ишга мунтазам кечикиб келганлиги учун ходимни ишдан бўшатиш хусусидаги низони ҳал этишда видеокузатув камераларидаги суратлар ҳам ҳисобга олинадими?

2014 йил июлида завод иш берувчининг ташаббусига кўра ўз ходими билан меҳнат шартномасини бекор қилди. Бўшатилганидан кейин ходим уни ишга тиклашни талаб қиляпти, чунки у билан меҳнат шартномаси касаба уюшмаси билан олдиндан келишмаган ҳолда бекор қилинган. Заводда касаба уюшмаси қўмитаси ва тузилган жамоа шартномаси йўқ. Мазкур ҳолда заводнинг хатти-ҳаракатлари қонунийми?

Корхона Тошкентда вақтинча ёки доимий пропискаси бўлмаган шахслар билан фуқаролик-ҳуқуқий тусдаги (меҳнат шартномаси эмас) шартномалар тузиш ҳуқуқига эгами?

Таътил вақтида ишлаш ҳамда асосий иш жойида иш ҳақи ва таътил пули олиш мумкинми?

Яқинда раҳбариятдан корпоратив почта орқали дам олиш кунлари (шанба ва якшанбада) ишга чиқишимиз талаб қилинди, бунда ҳар биримизга 1 кундан отгул бериларкан. Бу ҳақда ҳеч қандай буйруқ юборишмади. Бу талаб қонунийми? Биз дам олиш кунлари ишга чиқишга кўнмасликка ҳақлимизми?