Пенсияга ҳужжатларни расмийлаштиришда аёлга пенсия ҳисоблашни рад этишди, бу ҳолатга қатъий намунадаги меҳнат дафтарчасида исми бошқача ёзилган экан. У вақтда СТИР бўлмаган.
Мазкур ҳолатда нима қилиш керак? Бу меҳнат дафтарчаси уники эканлигини қандай исботлаш мумкин?
– Иш стажини тасдиқлайдиган ҳужжатда кўрсатилган исми, отасининг исми ёки фамилияси паспорт ёки туғилганлик тўғрисидаги гувоҳнома бўйича исми, отасининг исми ёки фамилияси билан мос бўлмаса, ушбу ҳужжатнинг мазкур шахсга тегишлилиги ҳолати фақат меҳнат дафтарчасини ёки иш стажи тўғрисидаги бошқа ҳужжатни биринчи марта берган ташкилот томонидан тасдиқланиши мумкин. Бошқа барча ҳолларда ҳужжатларнинг тааллуқлилиги суд томонидан белгиланиши шарт (Низомнинг 80-б., ВМнинг 8.09.2011 йилдаги 252-сон қарорига 1-илова).
Маълумот учун!
Иш даврида бошланган вақтинча меҳнатга лаёқатсизлик даври ДАВОМИЙЛИГИ ушбу иш жойи бўйича бериладиган маълумотномалар бўйича БЕЛГИЛАНАДИ.
