ЯСТ тўловчи корхона 1,5 гектардан ортиқ ерга эга. Участкалардан бирида қурилиш олиб бораяпти.
Корхона тугалланмаган қурилиш даврида ер солиғини икки баравар ставкада тўлаши керакми?
– Тугалланмаган қурилиш объектлари эгаллаган ер участкаларида қурилишнинг норматив муддати давомида ер солиғи икки баравар ставкада тўланади (29.12.2017 йилдаги ПҚ-3454-сон қарорга 19-иловага изоҳнинг 9-банди).
Норматив муддат тугагач, тугалланмаган қурилиш объектлари эгаллаган ер участкалари учун ер солиғининг 3 баравари тўланади.
Қурилишнинг норматив муддати лойиҳа-смета ҳужжатларида (ЛСҲ) белгиланади. ЛСҲда муддат белгиланмаган тақдирда эса қурилиш бошланганидан эътиборан 24 ой ичида ер солиғи 3 баравар миқдорда тўланади.
3 баравар миқдорда солиқ тўланадиган ер участкалари Давлат архитектура ва қурилиш қўмитасининг Давлат архитектура-қурилиш назорати ҳудудий инспекциялари томонидан аниқланади (Солиқ кодексининг 283-моддаси).
Жавобни «Norma» МЧЖ экспертлари тайёрладилар.
