Norma.uz
Газета Норма маслахатчи / 2015 год / № 12 / Парламент хабарлари

Сенатнинг ҳаракат дастури тайёрланди

Ўзбекистон Республикаси Олий Мажлиси Сенати Кенгашининг мажлиси бўлиб ўтди.  

 

Сенат Кенгаши мажлисида Олий Мажлис Сенатининг 2015 йил 22 январда ўтказилган биринчи мажлисида, шунингдек, Олий Мажлис Қонунчилик палатаси ва Сенатининг 2015 йил 23 январда бўлиб ўтган қўшма мажлисида белгиланган вазифалардан келиб чиққан ҳолда ишлаб чиқилган Олий Мажлис Сенатининг келгуси даврга мўлжалланган фаолиятининг устувор йўналишлари муҳокама этилди.

Мажлисда таъкидланганидек, қонун ижодкорлиги, назорат-таҳлил фаолиятини чуқур ўрганиб чиқиш асосида ишга янги киришган Сенат томонидан ҳозирги замон талаблари инобатга олинган ҳолда қонун ижодкорлиги ва қонунчилик фаолияти сифатини оширишга қаратилган вазифаларни бажариш бўйича 2015 йилга ва кейинги йилларга мўлжалланган тегишли Ҳаракат дастури тайёрланди.

Сенат Кенгаши мажлисида сўзга чиққан сенаторлар таъкидлаганларидек, ушбу Ҳаракат дастурида олимлар, юқори малакали мутахассислар, экспертлар, фуқаролик жамияти институтлари вакилларининг кенг доирасини жалб қилган ҳолда қабул қилинаётган қонунларнинг пухта муҳокама этилишини таъминлаш, ҳуқуқни қўллаш амалиётини такомиллаштириш, тўғридан-тўғри таъсир кўрсатадиган қонунларни, кодификация қилинган қонун ҳужжатларини қабул қилиш, янги қабул қилинган қонунлар қоидаларининг тўлиқ рўёбга чиқарилишини таъминлайдиган қонуности ҳужжатларини ўз вақтида эълон қилишга доир тадбирларнинг амалга оширилиши назарда тутилган.

Шунингдек, Ҳаракат дастурида парламент палаталари, Сенат ва халқ депутатлари маҳаллий Кенгашлари ўзаро ҳамкорлигининг самарадорлигини ошириш, фаолиятни хориж ҳуқуқий амалиёти билан чуқур қиёсий таҳлил қилиш, янги қабул қилинган қонунларнинг тўлиқ рўёбга чиқарилиши учун зарур бўлган қонуности ҳужжатларининг ўз вақтида қабул қилиниши устидан парламент назоратини кучайтириш, Сенат фаолиятининг очиқлигини таъминлаш, жамоатчиликни унинг қонун ижодкорлиги, назорат-таҳлил фаолиятидан хабардор қилиш чора-тадбирлари назарда тутилган.

Ҳужжатда мамлакатимизни ва минтақаларни ривожлантиришнинг устувор йўналишларини инобатга олган ҳолда Сенат қўмиталарининг назорат-таҳлил фаолиятини амалга ошириш ҳамда 2015–2016 йилларда Олий Мажлис палаталарининг ягона ахборот тизимини яратиш бўйича мақсадли дастурларни ишлаб чиқиш ҳамда рўёбга чиқариш белгилаб олинган.

Сенаторлар таъкидлаганларидек, келгуси даврга мўлжалланган Ҳаракат дастурининг амалга оширилиши демократик ислоҳотларни янада чуқурлаштириш, мамлакатимизни ижтимоий-иқтисодий жиҳатдан жадал ривожлантириш борасидаги фаолият самарадорлигини ошириш имконини беради.

Олий Мажлис Сенати Кенгаши аъзолари Сенатнинг кўриб чиқилган Ҳаракат дастурини маъқулладилар.

 

Олий Мажлис Сенати ва Қонунчилик палатаси
Ахборот хизматлари материаллари асосида тайёрланди.

Прочитано: 1614 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика