Публикации
|
24.12.2019
Узбекистан – страна года
По версии британского журнала «The Economist», Узбекистан признан «Страной года» в 2019 году. Об этом сообщено на официальном сайте журнала. далее...»» |
|
20.12.2019
ЖШДС солиниши лозим
Корхона (буюртмачи) Россия компанияси билан ЭҲМ учун дастурий маҳсулот ишлаб чиқиш, уни жорий этиш ва кузатишга импорт шартномасини тузди. Шартномада хизматлар нархи белгиланган. Бундан ташқари, шундай банд борки, унга мувофиқ буюртмачи ижрочи мутахассисларининг ҳужжатлар билан тасдиқланган харажатларини (Россиядан Ўзбекистонга келиш ва Ўзбекистон бўйлаб ҳаракатланишда авиа-, темир йўл транспортидаги йўл ҳақи ёки шахсий автотранспорт харажатлари, ЁММ, меҳмонхона хизматлари бўйича харажатлар, хизмат юзасидан телефонда сўзлашувлар, интернет алоқаси харажатлари ва мутахассислар хизмат сафарига юборилиши билан боғлиқ бошқа харажатларни) қоплаши шарт. Буюртмачи ижрочининг ходимлари харажатларини ўзининг миллий валютадаги ҳисоб-китоб счётидан тўлашга қарор қилди. Буюртмачи корхонамиз бундай хизматларнинг маҳаллий етказиб берувчилари билан тузилган тўғридан-тўғри шартномалар бўйича норезидент ходим – РФ фуқароси учун ўз ҳисоб-китоб счётидан чипталар, уяли алоқа хизматлари ва яшаш ҳақини тўлайди. Корхонанинг ушбу харажатлари солиқни ҳисоблаш учун база бўладими? далее...»» |
|
20.12.2019
Солиқлар бўйича мажбурият юзага келмайди
2019 йил октябрда Ўзбекистондаги хорижий компания ваколатхонаси Ўзбекистон ҳудудида маркетинг хизматларини кўрсатадиган бошқа хорижий компания билан валюта шартномасини тузди. Ваколатхона тижорат ташкилоти ҳисобланмайди ҳамда ҚҚС ва фойда солиғини тўламайди. Хорижий компания бошқа хорижий компаниянинг Ўзбекистондаги ваколатхонасига маркетинг хизматларини кўрсатганда қандай солиқ оқибатлари юзага келиши мумкин? далее...»» |
|
20.12.2019
Афғонистонда хизмат қилганлар учун имтиёзлар
Бизга мол-мулкни ижарага берувчи жисмоний шахс ижара тўловидан ЖШДСни ушлаб қолишда уруш қатнашчиси сифатида Солиқ кодексининг 180-моддаси бўйича имтиёзни қўллашни талаб қиляпти. Ижара берувчимиз Афғонистонда хизмат қилган (ногирон эмас), 1990 йилда берилган имтиёзга бўлган ҳуқуқи тўғрисидаги гувоҳномага эга. Ижарага берувчимизда ЖШДС бўйича имтиёз ҳуқуқи мавжудми? далее...»» |
|
20.12.2019
Тузатиш учун ўн кун берилади
Ташкилот етказиб берувчилардан олинган хизматлар учун ёзиб берилган ҳисобварақ-фактураларга (электр энергияси, газ ва бошқалар учун) мувофиқ ҚҚС суммасини ҳисобга олади. Солиқ инспекцияси ўз талабномасида ёзишича, биз алоҳида ҳисобварақ-фактуралар бўйича ҚҚС суммасини ҳисобга олишга ҳақли эмас эканмиз, сабаби улар етказиб берувчиларда сотиш реестрида кўрсатилмаган ва ҳисобланган солиқ тўланмаган экан. 1. Солиқ органларининг харидорда ҚҚС суммасини ҳисобга олмаслик талаби қонунийми? 2. Бирламчи ҳужжатлар асосида ҚҚС суммасини ҳисобга олган бўлсак, ушбу талаб юзасидан шикоят қилишимиз мумкинми? далее...»» |
|
20.12.2019
Ер қаъридан фойдаланганлик учун солиқ
Корхона (МЧЖ) аукционда дарёдан ажратиб олинган тошларни қурилиш қум-шағалига қайта ишлаш учун майдалайдиган комплексни сотиб олди. 2018 йил декабрда дарё ўзанидаги участкада карьердан фойдаланиш ҳуқуқини расмийлаштирдилар. «Хавфсиз дарё» ДУКга ҳар ойда карьердан фойдаланиш ҳуқуқи учун тўлов – бир куб қум-шағал аралашмаси (ҚША) учун ЭКИҲнинг 2%ини (4 460 сўм) ўтказамиз. Солиқ кодексининг 245-моддасига мувофиқ ер қаъридан фойдаланганлик учун солиқ солинадиган ажратиб олинган ҚША қиймати – 4 460 сўм деб тахмин қилдик. Қум-шағални ажратиб олишда ер қаъридан фойдаланганлик учун солиқ бўйича солиқ солинадиган база нима ҳисобланади? Геология қўмитасининг ҳудудий бўлинмасига тўланадиган суммани база деб ҳисоблаш мумкинми? далее...»» |
|
20.12.2019
УКга импорт товар билан ҳисса киритиш: солиқ оқибатлари
МЧЖ шаклидаги «А» компаниясида иккита муассис бор – ЎзР резиденти («Б» компанияси) ва хорижий компания. Хорижий компания «А» компанияси ўз эҳтиёжлари учун товарларни (мебель, қурилиш материаллари ва ҳ.к.) импорт қилиш орқали устав фондига ўз ҳиссасини шакллантирмоқчи. Операция қуйидаги тартибда амалга оширилади: уч томонлама шартнома тузилади, унда «А» компанияси товар олувчи, муассис тўловчи, «Б» компанияси товар етказиб берувчи бўлади. «А» компанияси учун қандай солиқ оқибатлари юзага келиши мумкин? далее...»» |
|
20.12.2019
Импорт товар таннархидан паст нархда реализация қилинганда ҚҚС
Компания улгуржи савдо билан шуғулланади. 1.01.2019 йилдан умумбелгиланган солиқларни, шу жумладан 20% ҚҚС тўлашга ўтди. Товарлар бўйича божхонадаги ҚҚСни ҳисоблаш учун қабул қилинган қиймат уларнинг таннархидан паст бўлса, ҚҚС ҳисоб-китобига 1-илованинг 0104-сатрида таннархидан паст нархда сотилган ва 0103-сатрда акс эттирилган ушбу товарлар бўйича оборотни кўрсатиш зарурми? Импорт товар таннархидан ва божхона қийматидан паст нархда реализация қилинганда, ҚҚС ҳисоботда қаерда – 0103-сатрда акс эттириладими ёки 0104-сатрдами? далее...»» |
|
20.12.2019
Кўчмас мулкни сотиш: кадастр ва мол-мулк солиғи
Акциядорлик жамияти республика аукциони орқали заводнинг собиқ профилактория биносини тўловни 2020–2024 йилларда тўлаш шарти билан реализация қилди. 1. Харидорга кўчмас мулкнинг кадастр ҳужжатлари қандай муддатда берилади? 2. 2020 йилдан 2024 йилгача мол-мулк солиғини қандай тўғри тўлаш мумкин? далее...»» |
|
20.12.2019
Қарз бўйича фоизлардан воз кечиш
Умумбелгиланган солиқларни тўловчи корхона 2016 йилда жисмоний шахсдан қарз олди. Шартномада кўрсатилган фоиз ставкаси йиллик 9%ни ташкил этади. Қарз берилган санадаги МБ қайта молиялаштириш ставкаси 9%ни ташкил этган. Шартнома шартларига мувофиқ қарз бўйича фоизлар асосий қарз суммаси сўндирилганидан кейин тўланади. Корхона асосий қарз суммасини қайтарди. Томонлар қарз бўйича фоизлардан воз кечишга келишиб олдилар, тегишинча, корхона уларни жисмоний шахсга тўламайди. 1. Фоиз бўйича ҳисобланган қарзлардан воз кечишнинг солиқ оқибатлари қандай? 2. Бу қайси бухгалтерия проводкалари орқали акс эттирилади? далее...»» |
|
20.12.2019
Ютуқдан ЖШДС
Ташкилот коллеж ўқувчилари ўртасида танлов ўтказди. Совринли ўринларни эгаллаганларга пул мукофотлари берилди. Ўқувчилар ҳали 18 ёшга тўлмаган. Солиқ солиш қандай бўлади? далее...»» |
|
20.12.2019
Ўрта бизнесга кимлар киради? Уларга қандай имтиёзлар бор?
Норматив-ҳуқуқий ҳужжатлар лойиҳалари муҳокамаси порталига Ўзбекистон Республикаси Президентининг «Ўрта бизнесни ривожлантириш чора-тадбирлари тўғрисида»ги қарори лойиҳаси жойлаштирилди. далее...»» |
|
20.12.2019
Танлаш ҳуқуқи
Газетамизнинг 8.10.2019 йилдаги 42 (1313)-сонида «Божхона брокерининг парвози ва инқирози» номли мақола чоп этилган эди. Мақолада муаллифнинг фикрига кўра ўткир муаммо – мижознинг ЭРИдан фойдаланган ҳолда БЮДни тўлдириш ва божхона органларига юборишга ёрдам бераётган янги чиққан «якка тартибдаги тадбиркорлар» томонидан солиқларни тўламаслик муаммоси кўтарилган. Бундай чиқиш қилишга Божхона кодексига киритилган божхона брокерлари фаолиятига янги талабларни ўрнатувчи ўзгартиришлар (3.10.2018 йилдаги ЎРҚ-494-сон Қонун) сабаб бўлган. Яқинда таҳририятимиз «VERiF» МЧЖдан яна бир мурожаат олди, унда юзага келган вазиятга ушбу корхонанинг муносабати акс эттирилган. далее...»» |
|
20.12.2019
Халқ билан мулоқотнинг самарали формати
Халқ билан мулоқот қилиш, юртдошларимизни ўйлантираётган, кези келганда қийнаётган дарду муаммоларига қулоқ тутиш бугун давлат идоралари фаолиятининг бош мезонига айланган. Президентимиз томонидан илгари сурилган «Халқ давлат идораларига эмас, балки давлат идоралари халққа хизмат қилиши керак» деган тамойил ҳар бир раҳбарни бугун «кўчага чиқарди». далее...»» |
|
20.12.2019
Бошқа шахсга ўтказишдаги битим
Хитойлик автоишлаб чиқарувчининг расмий дилери ҳисобланган лизинг компанияси – ЎзР резиденти сотиш ёки кейинчалик харид қилиш шарти билан молиявий ижарага (лизингга) бериш учун Хитойдан автотранспорт воситаларини олиб келади. Етказиб бериш шартлари – CIP Тошкент. Товар учун импортчига олдиндан ҳақ тўланган, товар божхона омборига жойлаштирилган. Декларация «Божхона омбори» (ИМ-74) режимига расмийлаштирилмоқда, унда товарларнинг фактура қиймати ташқи савдо шартномаси валютасида акс эттирилмоқда. Мижозлардан бири (резидент компания, туристик фаолиятни амалга оширишга лицензияси бор) божхона омборида сақланаётган автотранспорт воситасини ишлаб чиқарувчи билан тўғридан-тўғри импорт шартномаси асосида харид қилиш истагини билдирди, чунки бу ҳолда божхона тўловлари бўйича имтиёзни қўллаш мумкин бўлади. Товар янги юк олувчининг номига ўтказиш йўли билан бошқа импорт шартномасига асосан (лизинг компаниясининг иштирокисиз) божхона омборидан туриб сотилади. Божхона омборида сақланаётган товарлар бошқа шахс номига ўтказилаётганда лизинг компаниясида (товарнинг биринчи эгаси) ҳамда товарни харид қилувчи компанияда (охирги эгаси) қандай мажбуриятлар юзага келади? далее...»» |
|
20.12.2019
Экспорт қилаверинг
Туристик фирма 2010 йилда импорт шартномаси бўйича туристик автобус олиб кирган ва ундан 2019 йилнинг октябрь ойига қадар фойдаланиб келган. 2010 йилда биз технологик асбоб-ускуна рўйхати (ТИФ ТН коди – 8702 10 119 0) бўйича имтиёздан фойдаланиб, божхона тозаловида импорт бож тўловларини (ҚҚС, бож, акциз солиғини) тўлаган эмасмиз. Эндиликда туристик фирма юридик шахс сифатида Тожикистондаги харидорга (ҳозирча у юридик шахсми ёки жисмоний шахсми, маълум эмас) автобусни сотишни режалаштирмоқда. Тожикистонга автобусни экспорт (қайта экспорт) қилишда имтиёзлардан фойдаланганлик муносабати билан олдин тўланмаган импорт божхона тўловларини тўлашимиз керакми ва бу қайси тўловлар? далее...»» |
|
20.12.2019
Ягона божхона ставкаси: афзаллик ва преференциялар
2020 йил 1 январдан нотижорат мақсадлар учун қўл юкида ва кузатиб борилаётган багажида товарлар олиб кираётган жисмоний шахслар учун, шунингдек, жисмоний шахс номига халқаро почта ва курьерлик жўнатмалари орқали келадиган товарларга нисбатан қонун ҳужжатларида белгиланган божхона божи, ҚҚС ва акциз солиғи ўрнига ягона божхона тўловини (ЯБТ) тўлашни назарда тутувчи божхона тўловларини ундиришнинг соддалаштирилган тартиби жорий этилади. Ушбу янгиликнинг фуқароларимиз учун афзалликлари хусусида мухбиримизга ДБҚ Божхона маъмуриятчилигининг илғор ва инновацион усулларини жорий этиш бошқармаси бошлиғининг ўринбосари Фарҳод ОЛИМЖОНОВ сўзлаб берди. далее...»» |
|
20.12.2019
2020 йил учун Давлат бюджети тасдиқланди
«2020 йил учун Ўзбекистон Республикасининг Давлат бюджети тўғрисида»ги Қонун (9.12.2019 йилдаги ЎРҚ-589-сон) билан 2020 йил учун Консолидациялашган бюджет параметрлари, барча даражадаги бюджетлар даромадлари ва харажатлари, давлат мақсадли жамғармалари ҳамда Тикланиш ва тараққиёт жамғармасининг даромадлари прогнози, шунингдек 2020 йил учун солиқлар ва йиғимларнинг ставкалари тасдиқланди («СБХ»нинг мазкур сони ҳужжатлар пакетида берилмоқда). далее...»» |
|
20.12.2019
Ўқиш учун таътилни расмийлаштирамиз
Ходима Тошкент университетининг сиртқи бўлимига ўқишга кирди. Унга (МКнинг 256-моддаси) 2019 йил 25 ноябрдан бошлаб 30 кун муддатга ўртача иш ҳақи сақланган ҳолда ўқиш учун таътил берилиши лозим. 1. Ўқиш учун таътил ҳақини ҳисоблаш тартиби қандай? Иш ҳақи барча устамалари билан сақланадими ёки аввалги 12 ой учун ўртача иш ҳақи ҳисобидан таътил пули ҳисобланадими? 2. Бунда табель қандай тўлдирилади? далее...»» |
|
20.12.2019
Иш вақтидан ташқари иш ёки юкламанинг ортиши
Дорихоналар тармоғида талабалар соат 16.00 дан кейин иккинчи сменада 0,5 ставкада ишлашмоқда. Баъзида машғулотлардан озод пайтларида хоҳишларига қараб кўпроқ ишлашлари ҳам мумкин. Масалан, 16.00 дан 20.00 гача – бу уларнинг ярим ставкадаги иш вақти. 20.00 дан кейин жойлашган манзилига қараб 22.00 ёки 23.00 гача ишлашлари мумкин. Кейин дорихона ёпилади. 1,0 ставкада бўлганлар учун 8 соатлик иш кунидан кейин ишланган вақт иш вақтидан ташқари иш ҳисобланади. 0,5 ставкада ишлайдиган дорихона ходимлари учун иш вақтидан ташқари соатларни қандай тўғри белгилаш мумкин? Бу табелда қандай акс эттирилади? далее...»» |