Norma.uz

Пенсияга – муддатидан олдин

 

Бандлик ва меҳнат муносабатлари вазирининг буйруғи (рўйхат рақами 588-4, 4.05.2021 й.) билан Алоҳида асосларга кўра меҳнат шартномаси бекор қилинганда ишдан бўшатилган ходимларга муддатидан олдин пенсия тайинлаш тартиби тўғрисидаги йўриқномага ўзгартиришлар киритилди. 

 

Ҳужжат «Аҳоли бандлиги тўғрисида»ги Қонунга мувофиқ қабул қилинган.

Йўриқнома қуйидаги сабабларга кўра ишдан озод этилган ходимларга муддатидан олдин пенсия тайинлаш тартибини белгилайди: технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги.

Мазкур шахсларга улар расман ишсиз деб эътироф этилган ва зарур меҳнат стажига эга бўлган тақдирда муддатидан олдин (қонун ҳужжатларида белгиланган умумий асосларга кўра пенсия тайинлаш муддатидан 2 йил олдин) пенсияга чиқиш ҳуқуқи тақдим этилади:

эркаклар – 58 ёшда бўлиб, меҳнат стажи 25 йилдан кам бўлмаган тақдирда;

аёллар – 53 ёшда бўлиб, меҳнат стажи 20 йилдан кам бўлмаган тақдирда.

Биринчидан, «Аҳоли бандлиги тўғрисида»ги Қонуннинг янги таҳрири қабул қилиниши муносабати билан уларга мувофиқ Йўриқнома қабул қилинган НҲҲлар аниқлаштирилди – «Аҳоли бандлиги тўғрисида»ги Қонуннинг 49-моддасининг 8-қисми, «Фуқароларнинг давлат пенсия таъминоти тўғрисида»ги Қонуннинг 14-моддаси, МКнинг 100-моддаси 2– қисмининг 1-банди.

Иккинчидан, белгиланишича, ишдан озод этилган шахслар меҳнат шартномаси бекор қилинган кундан сўнг 30 календарь кун ичида ҳудудий аҳоли бандлигига кўмаклашиш марказига мурожаат қилсалар, марказ ходимлари 3 ойлик давр ичида (илгари – агар ишдан озод этилганлар 10 кун ичида мурожаат қилсалар) мақбул келадиган ишни топишда ёрдам беришлари керак. Агарда озод этилган шахслар 30 календарь кундан кейин мурожаат қилсалар, аҳоли бандлигига кўмаклашиш маркази ходимлари 10 кун муддат ичида мақбул келадиган ишни топишда ёрдам беришлари керак.

Бошқа ўзгартиришлар ва қўшимчалар ҳам киритилган.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 4.05.2021 йилдан кучга кирди. 

 

Наргиза Воҳидова.

 

Маълумот учун!

Ўзбекистонда Ногиронлиги бўлган шахслар масалалари бўйича идоралараро кенгаш ТАШКИЛ ЭТИЛДИ. Кенгаш вазифалари жумласига ногиронлар ҳуқуқларини таъминлаш соҳасида давлат сиёсати, ногиронларни реабилитация қилиш ва ижтимоий ҳимоялаш давлат дастурлари амалга оширилишини МУВОФИҚЛАШТИРИШ, ногиронларнинг таълим олишида, касбга тайёрлаш, қайта тайёрлаш, ишга жойлаштиришда КЎМАКЛАШИШ, шунингдек ногиронларнинг давлат ва жамият ҳаётида тўлақонли иштирокини таъминлаш учун қулай шарт-шароитларни ЯРАТИШ киритилди.

Прочитано: 357 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика