Norma.uz
Норма маслахатчи / 2021 йил / № 25 / Қонунчиликдаги янгиликлар

Вазирлар Маҳкамаси фаолияти такомиллашади

 

Президентнинг 10.06.2021 йилдаги ПҚ-5143-сон қарори билан Вазирлар Маҳкамаси фаолиятини такомиллаштиришга оид қўшимча чора-тадбирлар белгиланди. 

 

Ҳужжат Президентнинг 6.04.2021 йилдаги ПФ-6199-сон ҳамда 9.06.2021 йилдаги ПФ-6244-сон фармонлари, Президентнинг 3.04.2021 йилдаги ПҚ-5053-сон қарори ижросини таъминлаш, шунингдек Вазирлар Маҳкамасининг ижро этувчи тузилмасини янада такомиллаштириш мақсадида қабул қилинган.

Вазирлар Маҳкамасининг ижро этувчи тузилмасида:

а) қуйидагилар тугатилади:

Бош вазирнинг маслаҳатчиси – саноат ва унинг базавий тармоқларини ҳамда кооперация алоқаларини ривожлантириш масалалари департаменти бошлиғи лавозими;

саноат ва унинг базавий тармоқларини ҳамда кооперация алоқаларини ривожлантириш масалалари департаменти;

таълим, соғлиқни сақлаш, ёшлар, маҳалла ва оилани қўллаб-қувватлаш масалалари котибияти;

б) Бош вазирнинг маслаҳатчиси – Геология, энергетика, саноат ва унинг базавий тармоқларини ривожлантириш масалалари департаменти бошлиғи лавозими киритилади;

в) қуйидагилар ташкил этилади:

геология, энергетика, саноат ва унинг базавий тармоқларини ривожлантириш масалалари департаменти;

таълим ва соғлиқни сақлаш масалалари котибияти;

ёшлар, жамоат ташкилотлари, маҳалла ва оилани қўллаб-қувватлаш масалалари котибияти.

Вазирлар Маҳкамасининг бошқарув ходимлари умумий чекланган сони 269 нафардан иборат бўлган янгиланган ижро этувчи тузилмаси тасдиқланди.

Белгиланишича:

Таълим ва соғлиқни сақлаш масалалари котибияти, Ёшлар, жамоат ташкилотлари, маҳалла ва оилани қўллаб-қувватлаш масалалари котибияти ҳамда Маънавият ва давлат тилини ривожлантириш масалалари департаменти фаолиятини мувофиқлаштириш Бош вазирнинг ижтимоий ривожлантириш масалалари бўйича ўринбосари томонидан;

Туризм, спорт, маданият ва оммавий коммуникациялар масалалари котибияти ҳамда Маданий меросни ҳимоя қилиш инспекцияси фаолиятини мувофиқлаштириш Бош вазир ўринбосари – туризм ва спорт вазири томонидан амалга оширилади.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 11.06.2021 йилдан кучга кирди.

Прочитано: 1666 раз(а)

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика