Россияда айрим ижтимоий нафақалар миқдори 1 февралдан оширилди. РФ ҳукумати сайтида тегишли қарор бошқа вазир Михаил Мишустин томонидан имзоланганлиги хабар қилинган.
Бунда ногиронлар, ветеранлар, чернобилчилар, Россия қаҳрамонлари ҳамда ишлаб чиқаришда шикастланган фуқароларга тўланадиган тўловлар ҳақи сўз боради.
Шунингдек индексация болали оилаларга бериладиган қуйидаги нафақаларга ҳам тааллуқли: бола туғилганда тўланадиган бир марталик нафақа, болани парваришлаш бўйича ойлик нафақалар, ҳомиладорликнинг илк муддатларидан тиббиёт ташкилотларида ҳисобга турган аёлларга бир марталик нафақалар ҳамда болани оила тарбиясига беришда тўланадиган бир марталик нафақалар. Тўловлар миқдори 4,9%га оширилган.
РФ ҳукумати томонидан 2018 йилдан буён Россияда ижтимоий тўловларни индексациялашнинг қуйидаги ягона тартиби амал қилиши эслатиб ўтилди: ўтган йил учун истеъмол нархлари индексациясидан келиб чиққан ҳолда бир йилда бир марта 1 февраль куни.
2020 йил декабрда россияликларни уларга тўланиши лозим бўлган нафақалар ва бериладиган имтиёзлар ҳақида хабардор этилиши маълум қилинди. Тегишли маълумот давлат хизматлари порталида берилади. Бундан ташқари, нафақани расмийлаштириш учун талаб этиладиган ҳужжатлар ҳам кўрсатилади.
Интернет тармоғи материаллари асосида.
Мавзувий сонни Алла Ромашко олиб боради.
