Топшириққа биноан АЖда янги штат бирлиги – бошқарма раиси ёрдамчиси лавозимини очиш лозим. Ҳозирги пайтда кворум йўқлиги сабабли штат бирлигини ташкил этиш тўғрисидаги бошқарув қарори қабул қилиниши кейинга қолдирилмоқда.
Штатдаги ходим билан янги штат бирлиги расман тасдиқлангунига қадар бошқа вазифаларни бажаришга ФҲШ тузиш мумкинми?
– Қонун ҳужжатларида штатдаги ходим билан бир вақтнинг ўзида меҳнат мажбуриятларига боғлиқ бўлмаган бошқа ишларни бажариш учун фуқаролик-ҳуқуқий тусдаги шартномани тузиш тақиқланмаган.
Бўлғуси ўзгартиришларни ҳисобга олган ҳолда ходимнинг розилиги билан унинг зиммасига қўшимча мажбуриятларни юклаш ва қўшимча иш ҳажми учун қўшимча ҳақ тўлаш тўғрисидаги масалани кўриб чиқишни тавсия этамиз (МК 160-м.). Бунда фақат иш берувчи томонидан қўшимча ҳақ тўлаш тўғрисида буйруқ чиқарилиши етарлидир. Буйруқда, қўшимча ҳақ тўланиши зарурати асослаб берилади.
Янги штат жадвали тасдиқланиб, амалга киритилганида ушбу мажбуриятлар вақтинча уларни бажараётган ходимлар зиммасидан соқит қилинади ва штатдаги янги ходимларга юкланади.
Валерия Ляндрес, кадрлар хизмати ходими.
