Пойтахтни қоплаган қурилиш юксалиши фуқароларнинг виждонсиз қурувчилардан ҳимояланмаганлигини намойиш этмоқда. Ҳеч бўлмаганда, пойтахтда уларнинг минглаб вакиллари қонунларни четлаб ўтадиган компаниялар томонидан гаровга олинган. Квартира харид қилишга қарор қилиб, аҳоли кўпинча қурувчиларда қурилиш учун зарур рухсатномалар йўқлиги, объектларни қоидаларни қўпол бузилишлар билан қуришларига дуч келади. Бунинг оқибатида кўпчилигига нафақат пулларини йўқотиш, балки уй-жойсиз қолиш хавф солмоқда.
Фуқароларни эҳтимолий хавфлардан ҳимоя қилиш учун пойтахт ҳокимлиги томонидан қурилиш компанияларини текшириш учун янги онлайн хизмат shr-tashkent.uz/qurilish/ ишга туширилди.
Бу танланган компания қонуний ишлаяптими ва уй қурилиши йўл қўйилган бузилишлар туфайли тўхтатиб қўйилмаганми, шуларни аниқлаш имконини беради.
Хизмат қандай ишлайди?
Ҳар қандай фуқаро ҳавола бўйича бир неча сонияда ўзини қизиқтираётган қурилиш компанияси ҳақида жавоб олиши мумкин. Бунинг учун қидирув сатрига номини киритиб, унинг мақоми ҳақида – ишлаётганлиги ёки фаолияти вақтинча тўхтатилганлиги ҳақида маълумот олиниши лозим. Хизмат бепул тақдим этилади, фирмалар ва компаниялар маълумотлар базаси мунтазам равишда янгиланади.
Агар қурувчи қоидабузарликлар учун маълумотлар базасидан чиқарилган, лекин уларни бартараф қилган бўлса, уни дарҳол рўйхатга қўшадилар. Янгиланишларнинг тезкорлиги битимнинг шаффофлигини, томонларнинг ишончини таъминлайди, аҳоли ҳуқуқларини ҳимоя қилади.
Шаҳар маъмурияти матбуот хизматининг хабар беришича, пойтахтнинг бир қатор туманларида тўлиқ ҳужжатлар пакети бўлмаган ўнлаб объектларда қурилиш ишлари бутунлай тўхтатилди. Улар электр таъминотидан узилган. Қурилиш майдончаларида назорат ва мониторинг давом этмоқда ва қоидабузилишларнинг ҳар бир ҳолати бўйича қонуний чоралар кўрилади.
Ҳокимият пойтахт аҳолисини уй-жой харид қилишда ниҳоятда эҳтиёт бўлишга чақирди:
• харид қилинаётган кўчмас мулкка барча ҳужжатларнинг асл нусхаларини талаб қилинг ва уларни диққат билан текширинг;
• сотувчиларга пулларни нақд ёки норасмий усуллар билан топширманг, барча ҳисоб-китобларни банк орқали амалга оширинг;
• шартноманинг барча бандларини диққат билан ўрганиб чиқинг;
• қурувчи ёки объектнинг қонунийлигига озгина шубҳа туғилса, шунингдек компания ҳужжатларни тақдим этишни кечиктираётган бўлса, Тошкент ҳокимлигининг расмий ботига мурожаат қилинг, у ерда объектнинг қонуний мақоми ҳақида маълумот берилади.
Пойтахт маъмурияти тадбиркорлар ва қурувчиларга мурожаат қилди:
• қурилиш ёки савдо фаолиятини бошлашдан олдин барча зарур ҳужжатларни расмийлаштириш керак;
• Тошкент шаҳар ҳокимлиги қурилиш талабларининг ҳар қандай бузилишларига ва фуқаролар манфаатларига зарар етказувчи ҳаракатларга қатъий муносабатда бўлади.