Norma.uz
Газета СБХ / 2021 год / № 30 / Ўзбекистон қонунчилигидаги янгиликлар

«Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида»

 

Ўзбекистон Республикаси Президентининг Фармони

 

Ўзбекистон Республикаси Президентининг 2020 йил 23 июлдаги «Алкоголь ва тамаки маҳсулотларини ишлаб чиқариш ва уларнинг айланмасини тартибга солиш соҳасида бошқарув тизимини такомиллаштириш тўғрисида»ги ПФ-6033-сон Фармони, 2020 йил 13 октябрдаги «Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида»ги ПҚ-4862-сон ва 2020 йил 7 декабрдаги «Давлат томонидан тартибга солинадиган соҳаларга хусусий секторни жалб этиш бўйича қўшимча чора-тадбирлар тўғрисида»ги ПҚ-4913-сон қарорларига мувофиқ, шунингдек, тадбиркорлик субъектлари томонидан норматив-ҳуқуқий ҳужжатлар талабларига риоя этилиши устидан давлат назорати ҳамда тендер ҳужжатлари ва техник вазифаларнинг комплекс экспертизаси самарадорлигини ошириш мақсадида:

1. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.

2. Мазкур Фармоннинг ижросини назорат қилиш Ўзбекистон Республикасининг Бош вазири А.Н.Арипов зиммасига юклансин.

 

Ўзбекистон Республикаси Президенти

Ш.МИРЗИЁЕВ.

Тошкент ш.,

2021 йил 17 июль

ПФ-6263-сон.

ЎзР Президентининг 2021 йил 17 июлдаги ПФ-6263-сон Фармонига

ИЛОВА

ЎЗБЕКИСТОН РЕСПУБЛИКАСИ ПРЕЗИДЕНТИНИНГ АЙРИМ ҲУЖЖАТЛАРИГА КИРИТИЛАЁТГАН ЎЗГАРТИРИШ ВА ҚЎШИМЧАЛАР

1. Ўзбекистон Республикаси Президентининг 2015 йил 15 майдаги «Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида»ги ПФ-4725-сон Фармони 8-бандининг иккинчи хатбошисидаги «сифатида олинадиган барча» сўзлари «суммасининг 80 фоизи миқдоридаги» сўзлари билан алмаштирилсин.

2. Ўзбекистон Республикаси Президентининг 2018 йил 27 июлдаги ПФ-5490-сон Фармони билан тасдиқланган Текширувларни электрон рўйхатга олиш ягона тизимида рўйхатдан ўтказиш орқали ваколатли органни хабардор этиш тартибида ўтказиладиган текширувлар рўйхатида:

а) 1-позициянинг «Текширувлар (назорат функциялари)» устуни тўртинчи хатбошиси «сотиш ҳолатларининг» сўзларидан кейин «ҳамда кучли таъсир қилувчи моддалар ноқонуний айланишининг» сўзлари билан тўлдирилсин;

б) қуйидаги мазмундаги 2-1-позиция билан тўлдирилсин:

«


2-1.


Қалбакилаштирилган, мувофиқлик сертификати мавжуд бўлмаган ва давлат рўйхатидан ўтказилмаган маҳсулотлар, рецепт билан бериладиган дори воситалари ва тиббий буюмларни рецептсиз сотилишининг олдини олиш мақсадида, фақатгина шундай маҳсулотларни чакана реализация қилиш бўйича ишончли ахборотлар мавжуд бўлганда, дори воситалари ва тиббий буюмларни чакана реализация қилишни назорат қилиш.


Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти, Ўзбекистон Республикаси Ички ишлар вазирлиги, Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги, Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармаси


1 кун


»;


 

 

в) қуйидаги мазмундаги 4-1-позиция билан тўлдирилсин:

«


4-1.


Йўл қурилиши, йўл-қурилиш материаллари, буюмлари ва конструкцияларини ишлаб чиқаришда техник жиҳатдан тартибга солиш соҳасидаги норматив ҳужжатлар талабларига юридик ва жисмоний шахслар томонидан риоя этилишини назорат қилиш.


Ўзбекистон Республикаси Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси


3 кундан ошмаган ҳолда


».


 

 

г) 17-позицияда:

«Текширувлар (назорат функциялари)» устунидан «сув таъминоти ва сув чиқариш тизимларига» сўзлари чиқариб ташлансин;

«Назорат қилувчи орган» устунидаги «Ҳудудий электр тармоқлари» АЖ, «Ҳудудгазтаъминот» АЖ ва «Ўзсувтаъминот» АЖ» сўзлари «Ўзбекистон Республикаси Энергетика вазирлиги ҳузуридаги Электр энергетикада назорат инспекцияси ва Ўзбекистон Республикаси Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекцияси» сўзлари билан алмаштирилсин;

д) қуйидаги мазмундаги 17-1-позиция билан тўлдирилсин:

«


17-1.


Сув таъминоти ва сув чиқариш тизимларига ноқонуний уланиш, ҳисоблаш мосламаларига қасддан шикаст етказганлик, ҳисоблаш мосламалари кўрсаткичларини ўзгартириш мақсадида уларга ташқаридан аралашиш ҳолатларини, шунингдек, ичимлик суви таъминоти ва канализация корхоналари томонидан сув таъминоти ва канализация соҳасида хизмат кўрсатиш қоидаларига амал қилиниши ҳолатларини текшириш.


Ўзбекистон Республикаси Уй-жой коммунал хизмат кўрсатиш вазирлиги ҳузуридаги Ичимлик сувидан фойдаланишни назорат қилиш инспекцияси


1 кун


».


 

3. Ўзбекистон Республикаси Президентининг 2019 йил 13 августдаги «Хусусий мулкни ҳимоя қилиш ва мулкдорлар ҳуқуқларининг кафолатларини кучайтириш, тадбиркорлик ташаббусларини қўллаб-қувватлаш борасидаги ишларни ташкил қилиш тизимини тубдан такомиллаштириш бўйича қўшимча чора-тадбирлар, шунингдек, тадбиркорлик субъектларининг молиявий ресурслар ва ишлаб чиқариш инфратузилмасидан фойдаланиш имкониятларини кенгайтириш тўғрисида»ги ПФ-5780-сон Фармонининг 25-банди қуйидаги мазмундаги «в» кичик банд билан тўлдирилсин:

«в) Жамғарма томонидан иссиқхоналар қуриш, интенсив боғлар яратиш ва совутгичлар қуриш учун 2017 йил 5 сентябргача халқаро молия институтларининг кредит линиялари ҳисобидан тадбиркорлик субъектларига ажратилган валюта кредитлари бўйича – гаровга қўйилган мол-мулкнинг қайта баҳоланиши натижасида етмаган қисмига кредит суммасининг 50 фоизигача, бироқ 8 миллиард сўмдан кўп бўлмаган миқдорда кафиллик бериш».

4. Ўзбекистон Республикаси Президентининг 2020 йил 31 январдаги «Давлат хизматлари кўрсатиш миллий тизимини жадал ривожлантириш бўйича қўшимча чора-тадбирлар тўғрисида»ги ПФ-5930-сон Фармони 14-бандининг иккинчи хатбошисидаги «сифатида олинадиган барча» сўзлари «суммасининг 80 фоизи миқдоридаги» сўзлари билан алмаштирилсин.

5. Ўзбекистон Республикаси Президентининг 2020 йил 26 мартдаги «Иқтисодиётни ривожлантириш ва камбағалликни қисқартиришга оид давлат сиёсатини тубдан янгилаш чора-тадбирлари тўғрисида»ги ПФ-5975-сон Фармони 1-банди қуйидаги мазмундаги «л» кичик банд билан тўлдирилсин:

«л) давлат томонидан тартибга солинадиган соҳаларга хусусий секторни жалб этиш соҳасида:

«Давлат функциялари – бизнес учун имконият» лойиҳаси ва давлат функцияларини хусусий секторга ўтказишнинг комплекс механизми амалга оширилиши юзасидан мониторинг олиб бориш ва вужудга келаётган муаммоларни бартараф этиш бўйича таклифлар ишлаб чиқиш;

хусусий секторга ўтказилиши таклиф этилаётган давлат функциялари, шунингдек, хусусий секторнинг тегишли таклифларини эълон қилиш ва муҳокамадан ўтказиш учун электрон майдонча фаолиятини юритиш;

хусусий секторга берилиши мумкин бўлган давлат функцияларини таҳлил қилиш ва ўрганиш натижасида тегишли чоралар кўриш юзасидан таклифлар тайёрлаш».

6. Ўзбекистон Республикаси Президентининг 2006 йил 7 ноябрдаги «Алкоголли маҳсулотларни ишлаб чиқариш ва сотиш самарадорлигини оширишга доир қўшимча чора-тадбирлар тўғрисида»ги ПҚ-505-сон қарори 1-бандининг учинчи хатбошиси қуйидаги таҳрирда баён этилсин:

«истеъмол этил спирти, ташкилий-ҳуқуқий шаклидан қатъи назар, тегишли лицензия ва мувофиқлик сертификатларига эга бўлган ишлаб чиқарувчиларга ички бозорда фақат биржа савдолари орқали бозор тамойиллари асосида реализация қилинади».

7. Ўзбекистон Республикаси Президентининг 2017 йил 19 июндаги «Ўзбекистон Республикаси Савдо-саноат палатаси фаолиятини ташкил этишни такомиллаштириш тўғрисида»ги ПҚ-3068-сон қарори 2-бандида:

қуйидаги мазмундаги тўртинчи хатбоши билан тўлдирилсин:

«тадбиркорлик субъектларини давлат рўйхатидан ўтказиш учун давлат божи суммасининг 20 фоизи миқдоридаги маблағлар»;

тўртинчи-еттинчи хатбошилар тегишинча бешинчи-саккизинчи хатбошилар деб ҳисоблансин.

8. Ўзбекистон Республикаси Президентининг 2017 йил 17 августдаги «Тадбиркорлик фаолиятини қўллаб-қувватлаш давлат жамғармасини ташкил этиш тўғрисида»ги ПҚ-3225-сон қарорида:

а) 4-банднинг учинчи хатбошиси чиқариб ташлансин;

б) 2-илованинг матни қуйидаги таҳрирда баён этилсин:

«Тадбиркорлик фаолиятини қўллаб-қувватлаш давлат жамғармасини бошқариш бўйича Кенгаш
ТАРКИБИ

Қўчқоров Ж.А.



Ўзбекистон Республикаси Бош вазирининг ўринбосари – иқтисодий тараққиёт ва камбағалликни қисқартириш вазири, Кенгаш раиси


Холхўжаев С.М.



Ўзбекистон Республикаси иқтисодий тараққиёт ва камбағалликни қисқартириш вазирининг биринчи ўринбосари, Кенгаш раисининг ўринбосари


Захидов Б.Э.



Ўзбекистон Республикаси Марказий банки раисининг биринчи ўринбосари, Кенгаш раисининг ўринбосари


Мамажанов Д.А.



Ўзбекистон Республикаси Савдо-саноат палатаси раисининг ўринбосари


Лавозими бўйича



Ўзбекистон Республикаси молия вазирининг ўринбосари


Лавозими бўйича



Ўзбекистон Республикаси Вазирлар Маҳкамасининг макроиқтисодий таҳлил, таркибий ўзгартиришлар, молия-банк тизими, давлат активларини бошқариш, рақобатни ривожлантириш, тадбиркорликни қўллаб-қувватлаш ва камбағалликни қисқартириш масалалари котибияти мудири


Саттаров С.А.



Ўзбекистон Республикаси Президенти ҳузуридаги Давлат бошқаруви академияси декани


Ҳайдаров Д.Т.



«Ургут» эркин иқтисодий зонаси директори


Мурадова Л.Ф.



«Smart heating systems» МЧЖ таъсисчиси


Лавозими бўйича



Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлиги директори, Кенгаш котиби


 

 

Изоҳ:

Кенгаш аъзолари бошқа ишга ўтган тақдирда, унинг таркибига ушбу лавозимларга янгидан тайинланган ёки тегишли вазифаларни бажариш зиммасига юкланган шахслар киритилади;

Кенгаш таркибига мустақил аъзоларни киритиш Вазирлар Маҳкамаси томонидан танлов асосида амалга оширилади ва уларнинг ваколат муддати 3 йилдан ошмаслиги лозим»;

в) 3-илова ўз кучини йўқотган деб ҳисоблансин.

9. Ўзбекистон Республикаси Президентининг 2017 йил 12 декабрдаги «Ўзбекистон Республикаси Адлия вазирлиги ҳузуридаги Давлат хизматлари агентлиги фаолиятини ташкил этиш тўғрисида»ги ПҚ-3430-сон қарори 4-бандининг учинчи хатбошисидаги «сифатида олинадиган барча» сўзлари «суммасининг 80 фоизи миқдоридаги» сўзлари билан алмаштирилсин.

10. Ўзбекистон Республикаси Президентининг 2018 йил 20 февралдаги «Лойиҳаолди, лойиҳа, тендер ҳужжатлари ва контрактларни экспертизадан ўтказиш тартибини такомиллаштириш чора-тадбирлари тўғрисида»ги ­ПҚ-3550-сон қарорида:

а) 3-бандда:

иккинчи хатбоши қуйидаги таҳрирда баён этилсин:

«тендер ҳужжатларини, товарларнинг (иш ва хизматларнинг) давлат харидига техник топшириқларни, контрактларни, импорт контрактларини ва уларга қўшимча битимларни (контракт ва импорт контрактлари қиймати оширилганда) комплекс экспертизадан ўтказиш учун қўшимча қиймат солиғини ҳисобга олмаган ҳолда умумий сумманинг (тендер ҳужжатлари бўйича – ҳар бир лот суммасининг, қўшимча битимлар бўйича – қўшимча битим суммасининг) 0,1 фоизи миқдорида, бироқ базавий ҳисоблаш миқдорининг 100 бараваридан ортиқ бўлмаган миқдорда ҳақ ундирилади»;

олтинчи хатбоши қуйидаги таҳрирда баён этилсин:

«лойиҳаолди ҳужжатларини ишлаб чиқиш учун техник вазифа»;

б) 2-иловада:

3-2-банд қуйидаги таҳрирда баён этилсин:

«3-2. Бинолар, иншоотлар ва муҳандислик коммуникацияларини капитал қуриш ва таъмирлаш бўйича товарлар (ишлар, хизматлар)нинг давлат харидини амалга ошириш учун харид ҳужжатлари Марказга техник топшириқ шаклида лойиҳа-смета ҳужжатлари билан биргаликда киритилади ва улардаги товарлар (ишлар, хизматлар) ҳажмлари ва нарх параметрларининг асослилиги юзасидан экспертиза ўтказилади»;

15-банд ўз кучини йўқотган деб ҳисоблансин.

11. Ўзбекистон Республикаси Президентининг 2019 йил 20 мартдаги «Ўзбекистон Республикасида боғдорчилик ва иссиқхона хўжалигини янада ривожлантириш чора-тадбирлари тўғрисида»ги ПҚ-4246-сон қарорида:

а) 2-банд қуйидаги таҳрирда баён этилсин:

«2. Агентликнинг асосий вазифалари этиб қуйидагилар белгилансин:

боғдорчилик, узумчилик ва иссиқхона хўжаликларини барқарор ривожлантиришни таъминлашга қаратилган мақсадли комплекс дастурларни ишлаб чиқиш ва амалга ошириш;

замонавий ресурс тежамкор технологияларни, шу жумладан томчилатиб ва ёмғирлатиб суғориш тизимларини қўллаган ҳолда интенсив боғлар, хўраки, кишмишбоп узум плантациялари ва иссиқхона хўжаликлари майдонларини кенгайтириш, шунингдек, бозор конъюнктураси таҳлилини ҳисобга олган ҳолда, мева, узум маҳсулотлари турларини кўпайтириш чораларини кўриш;

ҳудудларнинг тупроқ-иқлим шароитларини ҳисобга олган ҳолда, боғдорчилик, узумчилик ва иссиқхона хўжалигида илмий ютуқлар, илғор илмий ишланмалар ва интенсив агротехнологиялардан кенг фойдаланишни ташкил этиш;

узумнинг хўраки ва кишмишбоп навлари плантацияларини кенгайтириш, узумчилик корхоналарини комплекс модернизациялашга кўмаклашиш ва қўллаб-қувватлаш, экспорт салоҳиятини ошириш;

Ўзбекистон техник жиҳатдан тартибга солиш агентлиги билан биргаликда боғдорчилик хўжаликлари, хўраки, кишмишбоп узум плантациялари ва иссиқхона хўжаликларига халқаро сертификатлаш стандартларини жорий этишда кўмаклашиш;

мева ва узум маҳсулотларини етиштириш, тайёрлаш, саралаш, калибрлаш, қадоқлаш ва сотишнинг бутун занжирини ўз ичига олган кластер шаклини ташкил қилиш ва кооперация тизимини ривожлантириш бўйича чораларни амалга ошириш;

бозорлар конъюнктураси бўйича чуқур маркетинг тадқиқотларини ўтказиш йўли билан рақобатбардош маҳсулот етиштириш, уни сотишни ташкил қилиш, экспорт салоҳиятини ошириш мақсадида соҳага маҳаллий ва тўғридан-тўғри хорижий инвестицияларни жалб этишга кўмаклашиш;

ташқи бозорларда талаб юқори бўлган мева ва узум навларини жойлаштириш ва етиштириш бўйича тавсиялар ишлаб чиқиш;

боғдорчилик, узумчилик ва иссиқхона хўжаликлари соҳасида мутахассисларни ўқитиш, уларнинг малакасини ошириш, инновацияларни ривожлантириш ва жорий этиш масалалари бўйича маҳаллий ва хорижий таълим муассасалари, илмий-тадқиқот институтлари, хорижий ташкилотлар ва тармоқнинг етакчи ишлаб чиқарувчилари билан ҳамкорлик қилиш;

Ўзбекистон Республикаси Давлат солиқ қўмитаси ҳузуридаги Кадастр агентлиги билан биргаликда боғлар ва иссиқхона хўжаликлари майдонларининг ҳамда узум плантацияларининг электрон реестрини юритиш»;

б) 6-бандда:

олтинчи хатбоши «боғдорчилик» сўзидан кейин «хўраки, кишмишбоп узум плантациялари» сўзлари билан тўлдирилсин;

еттинчи хатбоши «боғларда» сўзидан кейин «хўраки, кишмишбоп узум плантацияларида» сўзлари билан тўлдирилсин;

ўнинчи хатбошисидаги «соҳасига» сўзи «ва узумчилик соҳаларига» сўзлари билан алмаштирилсин;

в) 7-бандда:

«б» кичик бандда:

биринчи хатбоши «боғлар» сўзидан кейин «хўраки, кишмишбоп узум плантациялари» сўзлари билан тўлдирилсин;

қуйидаги мазмундаги тўртинчи хатбоши билан тўлдирилсин:

«хўраки ва кишмишбоп узум токзорларида ирригация тадбирларини ўтказиш, жумладан сув етказиб бериш, артезиан қудуқлар, қувурлар ва резервуарлар барпо этиш, сув етказиб бериш учун насос станцияларини қуриш, сув сақлаш учун сиғимлар сотиб олишга қонунчилик ҳужжатларида белгиланган миқдорда»;

тўртинчи хатбоши бешинчи хатбоши деб ҳисоблансин;

«в» кичик банд қуйидаги таҳрирда баён этилсин:

«в) Тадбиркорлик фаолиятини қўллаб-қувватлаш давлат жамғармаси кичик тадбиркорлик субъектларига интенсив боғлар, хўраки, кишмишбоп узум плантациялари ва иссиқхона хўжаликларини ташкил қилиш учун тижорат банклари кредитлари бўйича кредит суммасининг 50 фоизигача, аммо 5 миллиард сўмдан ошмайдиган миқдордаги маблағга кафиллик беради»;

г) 18-банднинг учинчи хатбошиси қуйидаги таҳрирда баён этилсин:

«Қорақалпоғистон Республикаси Вазирлар Кенгаши раиси ва вилоятлар ҳокимларига – боғлар, узумзорлар ва иссиқхона хўжаликлари ташкил этиш учун ер участкалари ўз вақтида ажратилиши, шунингдек, мавжуд мевали боғлар, хўраки, кишмишбоп узум плантациялари ва иссиқхона хўжаликларини хатловдан ўтказишни сифатли бажариш юзасидан шахсий жавобгарлик юклансин».

12. Ўзбекистон Республикаси Президентининг 2019 йил 5 апрелдаги «Кўчмас мулкка бўлган ҳуқуқларни давлат рўйхатидан ўтказиш тизимини янада такомиллаштириш чора-тадбирлари тўғрисида»ги ПҚ-4270-сон қарори ­5-бандида:

иккинчи хатбошидаги «Ер ресурслари, геодезия, картография ва давлат кадастри давлат қўмитасининг» сўзлари «Давлат солиқ қўмитаси ҳузуридаги Кадастр агентлигининг» сўзлари билан алмаштирилсин;

тўртинчи хатбоши қуйидаги таҳрирда баён этилсин:

«кўчмас мулк бўйича кадастр муҳандиси ўз фаолиятини юридик шахслар билан меҳнат шартномасини тузиш орқали ёки якка тартибдаги тадбиркор сифатида амалга оширади».

13. Ўзбекистон Республикаси Президентининг 2019 йил 29 апрелдаги ПҚ-4300-сон қарори билан тасдиқланган Хорижий инвесторларга таклиф этиладиган истиқболли инвестиция таклифларининг рўйхати 46 ва 47-позицияларининг «Лойиҳа устида ишлаш учун масъул органлар» устунидаги «Узумчилик ва виночиликни ривожлантириш агентлиги (О.Мустафоев)» сўзлари «Алкоголь ва тамаки бозорини тартибга солиш ҳамда виночиликни ривожлантириш агентлиги (Р.Бобоев)» сўзлари билан алмаштирилсин.

14. Ўзбекистон Республикаси Президентининг 2019 йил 13 августдаги «Ўзбекистон Республикаси Иқтисодиёт ва саноат вазирлиги ҳузуридаги Кичик бизнес ва тадбиркорликни ривожлантириш агентлиги фаолиятини ташкил этиш тўғрисида»ги ПҚ-4417-сон қарорида:

а) номланиши қуйидаги таҳрирда баён этилсин:

«Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлиги фаолиятини ташкил этиш тўғрисида»;

б) 1-3-бандлар ўз кучини йўқотган деб ҳисоблансин;

в) 4-банднинг биринчи хатбошисидаги «Агентлик» сўзи «Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлиги (кейинги ўринларда – Агентлик)» сўзлари билан алмаштирилсин;

г) 1-илова ўз кучини йўқотган деб ҳисоблансин;

д) 2-илованинг номланишидаги «Кичик бизнес ва тадбиркорлик» сўзлари «Тадбиркорлик» сўзи билан алмаштирилсин;

е) 4-илова 1-бандининг «и» кичик банди ўз кучини йўқотган деб ҳисоблансин.

15. Ўзбекистон Республикаси Президентининг 2019 йил 11 декабрдаги «Мева-сабзавотчилик ва узумчилик тармоғини янада ривожлантириш, соҳада қўшилган қиймат занжирини яратишга доир қўшимча чора-тадбирлар тўғрисида»ги ПҚ-4549-сон қарорида:

а) 4-банддан «Узумчилик ва виночиликни ривожлантириш агентлиги» сўзлари чиқариб ташлансин;

б) 8-бандда:

иккинчи хатбошидан «ҳамда Узумчилик ва виночиликни ривожлантириш агентлигининг Узум етиштирувчилар ва вино тайёрловчиларни қўллаб-қувватлаш жамғармаси» сўзлари чиқариб ташлансин;

учинчи хатбоши чиқариб ташлансин;

тўртинчи ва бешинчи хатбошилар тегишинча учинчи ва тўртинчи хатбошилар деб ҳисоблансин;

в) 13-банднинг олтинчи хатбошисидан «ҳамда Узумчилик ва виночиликни ривожлантириш агентлиги директори О.С.Мустафоев» сўзлари чиқариб ташлансин.

16. Ўзбекистон Республикаси Президентининг 2020 йил 26 мартдаги ПҚ-4653-сон қарори билан тасдиқланган Ўзбекистон Республикаси Иқтисодий тараққиёт ва камбағалликни қисқартириш вазирлиги тўғрисидаги низомда:

а) 11-банд қуйидаги мазмундаги «л» кичик банд билан тўлдирилсин:

«л) давлат томонидан тартибга солинадиган соҳаларга хусусий секторни жалб этиш соҳасида:

«Давлат функциялари – бизнес учун имконият» лойиҳаси ва давлат функцияларини хусусий секторга ўтказишнинг комплекс механизми амалга оширилиши юзасидан мониторинг олиб бориш ва вужудга келаётган муаммоларни бартараф этиш бўйича таклифлар ишлаб чиқиш;

хусусий секторга ўтказилиши таклиф этилаётган давлат функциялари, шунингдек, хусусий секторнинг тегишли таклифларини эълон қилиш ва муҳокамадан ўтказиш учун электрон майдонча фаолиятини юритиш;

хусусий секторга берилиши мумкин бўлган давлат функцияларини таҳлил қилиш ва ўрганиш натижасида тегишли чоралар кўриш юзасидан таклифлар тайёрлаш»;

б) 12-банд қуйидаги мазмундаги 12-кичик банд билан тўлдирилсин:

«12) давлат томонидан тартибга солинадиган соҳаларга хусусий секторни жалб этиш соҳасида:

а) «Давлат функциялари – бизнес учун имконият» лойиҳаси доирасида:

давлат функцияларини аутсорсинг, краудсорсинг, давлат ижтимоий буюртмаси, аккредитация, сертификатлаш ва бошқа усуллар орқали босқичма-босқич хусусий секторга ўтказиш ҳамда давлат бошқаруви соҳасида амалда мавжуд бўлган имкониятларни кенгайтириш бўйича таклифлар ишлаб чиқади;

вазирлик ва идоралар кесимида хусусий секторга ўтказилиши мумкин бўлган давлат функцияларини таҳлил қилиш механизмларини йўлга қўйишга қаратилган давлат функцияларининг ягона реестрини шакллантиради;

б) давлат функцияларини хусусий секторга ўтказишнинг комплекс механизми амалга оширилишида мониторинг олиб бориш доирасида:

давлат функцияларини хусусий секторга ўтказишнинг комплекс механизми амалга оширилишида мониторинг олиб бориш жараёнига раҳбарлик қилади;

давлат функцияларини хусусий секторга ўтказишнинг комплекс механизми амалга оширилиши жараёнида аниқланган муаммо ва камчиликларни бартараф қилиш бўйича таъсирчан чораларни амалга ошириш юзасидан таклифлар ишлаб чиқади;

в) давлат функцияларини хусусий секторга ўтказиш жараёнининг шаффофлигини таъминлайди, бунда хусусий секторга ўтказиш таклиф этилаётган давлат функцияларини электрон майдончада кенг омма эътиборига ҳавола қилади ва муҳокамадан ўтказиш натижаси бўйича таклифлар ишлаб чиқади, шунингдек, электрон майдонча фаолиятини юритади;

г) хусусий секторга берилиши мумкин бўлган давлат функцияларини таҳлил қилади, ўрганиш доирасида давлат функциялари рўйхатини тузади ҳамда хусусий секторга ўтказиш мумкин бўлган функцияларни ягона реестрга киритиш бўйича таклифлар ишлаб чиқади».

17. Ўзбекистон Республикаси Президентининг 2020 йил 22 июндаги ПҚ-4756-сон қарори билан тасдиқланган Ўзбекистон Республикасининг халқаро шартномалар ва халқаро ташкилотларга аъзолик бўйича мажбуриятларни бажаришга масъул давлат органлари ва бошқа ташкилотлар рўйхатининг 54-позицияси «Тўловчилар номи» устунидаги «Қишлоқ хўжалиги вазирлиги ҳузуридаги Узумчилик ва» сўзлари «Алкоголь ва тамаки бозорини тартибга солиш ҳамда» сўзлари билан алмаштирилсин.

Изоҳ: мазкур илова 2-бандининг «в»–«д» кичик бандлари 2021 йил 1 ноябрдан эътиборан кучга киради.

*Ушбу Фармон Қонун ҳужжатлари маълумотлари миллий базасида (lex.uz) эълон қилинган ва 17.07.2021 йилдан кучга кирди.

Прочитано: 85 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика