Сигнализация ўрнатиш ишлари ҳақи ҚҚСни ҳисобга олган ҳолда 2020 йил 29 майда тўланган. Яъни ҳисоб-китоб қилиш чоғида ҳисобга олинадиган ҚҚС тўланган. Июнда сигнализация ўрнатилган, ҳисобварақ-фактуралар ёпилган ва бажарилган ишлар далолатномаси тузилган. Тўлов май ойида тўланган (кўчирма), ишлар июнь ойида бажарилган (ҳисобварақ-фактура, далолатнома).
Етказиб берувчига бўнак бошқа ойда тўланган, ҳисобварақ-фактура ундан кейинги ойда олинган бўлса, ҳисобга олинадиган ҚҚС қайси ойда кўрсатилиши лозим?
– Қўшилган қиймат солиғи ҳисоб-китобида (1-илова, АВ томонидан 24.02.2020 йилда 3221-сон билан рўйхатдан ўтказилган) олинган хизматлар бўйича ҳисобга олинадиган сумма тегишли ҳисобварақ-фактура олинган ойда, сизнинг ҳолатда июнь ойида кўрсатилиши лозим.
Ҳисобварақ-фактура ёки етказиб берувчи томонидан тақдим этилган солиқ суммаси алоҳида ажратиб кўрсатилган бошқа ҳужжат олинганда ҳамда товарларни (хизматларни) етказиб берувчи ҚҚС тўловчи сифатида рўйхатдан ўтказилганда, солиқ тўловчи ҳақиқатда олинган товарлар (хизматлар) бўйича тўланган ҚҚС суммасини ҳисобга олишга ҳақли бўлади (СК 266-м.).
Замира ЖЎРАЕВА,
«Norma» МЧЖ эксперти.
