Ўзбекистонликлар қайси ташкилот, тизимлардан кўпроқ норози эканлигини улардан келаётган шикоят ва аризалар оқимидан ҳам билса бўлади
Ўзбекистон Истемолчилар ҳуқуқларини ҳимоя қилиш федерацияси мурожаатларни ўрганиш борасидаги 2018 йилнинг 6 ойи давомидаги маълумотларини эълон қилди.
Ҳисобот даврида Федерация ва унинг ҳудудий тузилмалари ҳамда туман (шаҳар) жамиятларига истеъмолчилардан жами 6 713 та мурожаат келиб тушган. Мазкур ариза ва шикоятлар сони ўтган йилнинг шу даврига нисбатан солиштирилганда 2 171 тага ошганлиги кузатилди.
Аҳоли томонидан Федерация ва унинг ҳудудий бўлинмаларига қилинган мурожаатлар соҳалар кесимида таҳлил қилинганда истеъмолчилардан келиб тушган мурожаатлар юқорида келтирилган чизма бўйича кўринишга эга бўлди.
Таҳлилларнинг кўрсатишича, жамиятда рўй бераётган ўзгаришлар ортидан аҳолининг ҳуқуқий саводхонлиги ўсиб, қонуний ҳақ-ҳуқуқларини англаб мурожаат қилиш маданияти шаклланмоқда. Одамларда шу бугуннинг ўзида яхши яшашга интилиш ҳисси кучаяётгани сезилаётир.
ЎзА асосида.
