Коллежда ўқийман. Ҳайдовчилик гувоҳномасини олишим мумкинми?
Э.Нишонов.
– Ўқув муддати якунида:
√ мототранспортни бошқаришни ўрганувчи 16 ёшга;
√ енгил ва юк автомобилларини бошқаришни ўрганувчи 18 ёшга;
√ трамвай, троллейбус, автобуслар ва микроавтобусларни бошқаришни ўрганувчи 21 ёшга тўлган шахсларга ҳудудий ЙҲХБ рўйхатдан ўтказиш-имтиҳон бўлимида (РИБ) ёки туманлараро РИБларида (ТРИБ) имтиҳонлар топширишга рухсат этилади.
Мудофаа вазирлиги томонидан «транспорт воситалари ҳайдовчилари» мутахассислиги бўйича ўқишга жалб этилган чақирилувчилар, 18 ёшга тўлмаган бўлсалар-да, ҳудудий ЙҲХБ имтиҳонларига киритиладилар (Низомнинг 27, 56-бандлари, ВМнинг 2.08.2006 йилдаги 156-сон қарорига 1-илова).
Мавзувий сонни мухбиримиз Алла Ромашко олиб боради.
