МЧЖ муассис – жисмоний шахс яшайдиган жойда рўйхатдан ўтказилган, мазкур жисмоний шахс Яккасарой туманида ер солиғи тўловчисидир. Жамият Ҳамза туманида ишлаб чиқариш жойини ижарага олган. ЯСТ энг кам миқдорининг маълумотнома-ҳисоб-китобида муассис участкасининг майдонини кўрсатиш керакми?
– Ягона солиқ тўловининг энг кам миқдори киритилиши муносабати билан ягона солиқ тўловини ҳисоблаб чиқариш ва тўлаш тартиби тўғрисидаги низомнинг (МВ, ИВ ва ДСҚнинг АВ томонидан 3.03.2011 йилда 2203-сон билан рўйхатдан ўтказилган қарори билан тасдиқланган) 1-бандига кўра 2011 йил 1 июлдан бошлаб ЯСТ тўловчилари уни Солиқ кодексида белгиланган тартибда, Президентнинг Қарори билан тегишли йил учун тасдиқланган ставкалар бўйича, лекин энг кам миқдордан – эгаллаб турган ер майдонидан келиб чиқиб, Низомнинг 1-иловасида кўрсатилган пасайтирувчи коэффициентларни ҳисобга олган ҳолда ҳисоблаб чиқариладиган ер солиғининг 3 бараваридан кам бўлмаган миқдорда ҳисоблайдилар.
Низомнинг 3-бандига кўра ЯСТнинг энг кам миқдорини ҳисоблаб чиқаришда юридик шахслар томонидан мулк ҳуқуқи, эгалик қилиш ҳуқуқи, фойдаланиш ҳуқуқи ёки ижара ҳуқуқи асосида фойдаланиладиган ер участкалари ҳисобга олинади. Агар сизнинг корхонангиз ўз фаолиятида муассиснинг мулки ҳисобланган участкадан фойдаланмаса (масалан, офис ёки омбор учун) ҳамда сиз ер участкаси эгаси бўлган жисмоний шахс билан нотурар жойни ижарага олиш шартномасини тузмаган бўлсангиз, унинг майдони ЯСТнинг энг кам миқдорини ҳисоб-китоб қилиш чоғида ҳисобга олинмайди.
Мария САБИРОВА, экспертимиз.
