Умумбелгиланган солиқларни тўлайдиган корхона улгуржи савдо билан шуғулланади ва товарларни лизингга беради. Корхона товарни лизингга бериш чоғида объектнинг дастлабки қийматига, яъни ҚҚСни ҳисобга олган ҳолда тушум суммасига ҳисобварақ-фактура ёзиб беради.
1. Объектни лизингга беришда ҳисобварақ-фактура тақдим этилиши лозимми?
2. Ҳар бир лизинг тўловига ҳисобварақ-фактура ёзиб бериладими?
|
1 |
Мол-мулкни лизингга бериш товарларни реализация қилиш бўйича айланма ҳисобланади (Солиқ кодексининг 239-моддаси 1-қисми 3-банди). Бунда ҚҚС тўлаш мажбурияти юзага келадиган бўлса, ҳисобварақ-фактурани расмийлаштириш лозим.
|
2 |
Йўқ, тақдим этилмайди. Бунда тегишли ҳужжатлар (лизинг шартномасининг таркибий қисми бўлган лизинг тўловлари жадвали; ҳисобварақ; лизингга олувчига лизинг тўловларини тўлаш учун юборилган ёзма билдириш ва шу кабилар) билан расмийлаштирилган ҳар бир лизинг тўловига ҳисобварақ-фактура ёзилмайди (Низомнинг 3-банди, ВМнинг 25.06.2019 йилдаги 522-сон қарорига 1-илова).
Замира ЖЎРАЕВА, «Norma» МЧЖ эксперти.
