Корхона Хитойдан импорт қилинадиган хом ашё учун тўлов тўлаш мақсадида банкда аккредитив очди. Шартнома суммасининг 30%ини корхона ўз валюта ҳисобрақамидан етказиб берувчининг ҳисобрақамига пул маблағларини ўтказиш йўли билан, қолган 70%ини аккредитив бўйича тўлайди.
Шартнома суммасини аккредитив билан тўлаш орқали хом ашёни импорт қилиш қандай бухгалтерия проводкалари билан акс эттирилади?
– Аккредитивлардаги пул маблағларининг ҳаракатланиши 5510-«Аккредитивлар» счётида ҳисобга олинади. Аккредитивга пул маблағларнинг ўтказилиши 5510-счётнинг дебети ҳамда 5110-«Ҳисоб-китоб счёти», 5210-«Мамлакат ичидаги валюта счётлари», 5220-«Чет элдаги валюта счётлари» ва бошқа счётлар кредити бўйича акс эттирилади.
5510-счёти бўйича ҳисобга қабул қилинган аккредитивдаги маблағлар фойдаланилишига қараб (банкдан кўчирмаларга мувофиқ) 6010-«Мол етказиб берувчилар ва пудратчиларга тўланадиган счётлар» счётининг дебети бўйича ҳисобдан чиқарилади. Аккредитивдаги фойдаланилмаган маблағлар ўтказилган счётига банк томонидан тикланганидан кейин 5510-счёт кредити бўйича 5110, 5210, 5220-счётлар ва бошқа счётлар билан корреспонденцияда акс эттирилади.
5510-счётда корхона томонидан тақдим этилган ҳар бир аккредитив бўйича таҳлилий ҳисоб юритилади (Йўриқноманинг 230-б., АВ томонидан 23.10.2002 йилда 1181-сон билан рўйхатдан ўтказилган 21-сон БҲМСга 2-илова).
Хом ашёни аккредитив бўйича қисман ҳақ тўланган ҳолда импорт қилишда қуйидаги бухгалтерия проводкалари амалга оширилади:
|
Хўжалик операциясининг мазмуни
|
Счётлар корреспонденцияси
|
|
|
дебет
|
кредит
|
|
|
Аккредитивга пул маблағлари ўтказилди
|
5510-«Аккредитивлар»
|
5210-«Мамлакат ичидаги валюта счётлари»
|
|
Етказиб берувчилар ва пудратчиларга қарзлар тўланганда аккредитивлар суммалари ҳисобдан чиқарилди
|
6010-«Мол етказиб берувчилар ва пудратчиларга тўланадиган счётлар»
|
5510-«Аккредитивлар»
|
|
Корхонанинг валюта ҳисобрақамидан етказиб берувчига пул маблағлари тўланди
|
6010-«Мол етказиб берувчилар ва пудратчиларга тўланадиган счётлар»
|
5210-«Мамлакат ичидаги валюта счётлари»
|
|
Хом ашё импорт қилинди
|
1010-«Хом ашё ва материаллар»
|
6010-«Мол етказиб берувчилар ва пудратчиларга тўланадиган счётлар»
|
|
Божхона тўловлари ва хом ашё таннархига киритиладиган бошқа харажатлар акс эттирилди
|
1010-«Хом ашё ва материаллар»
|
6010-«Мол етказиб берувчилар ва пудратчиларга тўланадиган счётлар», 6410-«Бюджетга тўловлар бўйича қарз (турлари бўйича)», 6990-«Бошқа мажбуриятлар» |
|
Божхонада тўланган ҚҚС акс эттирилди
|
4410-«Бюджетга солиқлар ва бошқа мажбурий тўловлар бўйича бўнак тўловлари (турлари бўйича)»
|
6410-«Бюджетга тўловлар бўйича қарз (турлари бўйича)»
|
|
Хом ашёни импорт қилишда таннархга киритилмайдиган харажатлар суммаси акс эттирилди
|
9430-«Бошқа операцион харажатлар», 9610-«Фоизлар кўринишидаги харажатлар»
|
6010-«Мол етказиб берувчилар ва пудратчиларга тўланадиган счётлар», 6990-«Бошқа мажбуриятлар»
|
Азизахон ТОШХЎЖАЕВА, «Norma» МЧЖ эксперти.