Қизимнинг болага бериладиган паспорти бор. У билан бирга Жанубий Кореяга чиқмоқчиман. Паспортларимиз янги биометрик. Виза ва рухсатномалар бўлими қўйган белгининг муддати ўтган, бироқ Кореяга виза бор, фақат стикерларни янгидан қўйиш керак. Жанубий Кореядаги турмуш ўртоғим менга қизим билан чиқишимга рухсат берилган ишончномани жўнатмоқчи. Мамлакатдан чиқиб кетиш учун шу ҳужжатнинг ўзи етарли бўладими?
Е.Пак.
– Ҳар бир бола ғайриқонуний кўчирилишдан ва чет элдан қайтарилмасликдан ҳимояланиш ҳуқуқига эга. Боланинг чет элга сафарлари фақат ота ва онанинг ёки ота-онанинг ўрнини босувчи шахсларнинг розилиги билан амалга оширилиши мумкин («Бола ҳуқуқларининг кафолатлари тўғрисида»ги Қонуннинг 14-моддаси).
Шу тариқа, турмуш ўртоғингиз сизга болани Жанубий Кореяга олиб чиқишга алоҳида розилигини жўнатиши зарур.
Санжар Хўжааҳмедов,
«Norma Online» эксперти.