Солиқ тўловчининг тақвими

юридик шахслар учун

2016 йил июнь

3 ИЮНЬ 

2016 йил май ойининг III ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни

(Солиқ кодекси, 304-модда, тўртинчи қисм).

5 ИЮНЬ⁷ 

2016 йилнинг май ойида натура шаклида тўланган даромадлардан жисмоний шахслардан олинадиган даромад солиғини тўлашнинг сўнгги куни

(Солиқ кодекси, 188-модда, биринчи қисм).

10 ИЮНЬ

2016 йилнинг июнь ойи учун фойда солиғи бўйича жорий тўловни тўлашнинг сўнгги куни¹

(Солиқ кодекси, 164-модда, учинчи ва тўртинчи қисмлар);

2016 йилнинг май ойи учун акциз солиғи бўйича ҳисоб-китобни тақдим этиш ва тўловни тўлашнинг сўнгги куни

(Солиқ кодекси, 239-модда; 240-модда, биринчи қисм);

2016 йилнинг июнь ойи учун мол-мулк солиғи бўйича жорий тўловни тўлашнинг сўнгги куни²

(Солиқ кодекси, 271-модда, бешинчи қисм);

2016 йилнинг июнь ойи учун ободонлаштириш ва ижтимоий инфратузилмани ривожлантириш солиғи бўйича жорий тўловни тўлашнинг сўнгги куни³

(Солиқ кодекси, 300-модда, тўртинчи ва бешинчи қисмлар);

2016 йилнинг май ойи учун бозорлар ва устав фондида (устав капиталида) давлат улуши камида 51%ни ташкил этган савдо мажмуалари олган даромадлари ва бюджетга маблағлар ўтказгани тўғрисида маълумотларни тақдим этишнинг сўнгги куни

(Солиқ кодекси, 387-модда, бешинчи, олтинчи ва еттинчи қисмлар);

2016 йилнинг май ойи учун меҳнатда шикастланиш ёки касб касалликлари оқибатида тайинланган пенсиялар тўлови бўйича харажатларни қоплаш учун маблағларни тўлашнинг сўнгги куни

(АВ томонидан 9.09.2011 йилда 2262-сон билан рўйхатдан ўтказилган Ягона ижтимоий тўловни тақсимлаш, шунингдек харажатларни қоплаш бўйича суммаларнинг тўланишини ва юридик шахсларнинг давлат ижтимоий суғуртаси харажатлари бўйича тўловларни амалга ошириш тартиби тўғрисидаги низомнинг 14-банди).

13 ИЮНЬ

2016 йил июнь ойининг I ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни

(Солиқ кодекси, 304-модда, тўртинчи қисм).

14 ИЮНЬ

2016 йилнинг май ойи учун Халқ банкига жамғариб бориладиган пенсия тизимида иштирок этувчи ходимларнинг ШЖБПҲга бадаллари реестрини тақдим этишнинг сўнгги куни

(ВМнинг 21.12.2004 йилдаги 595-сон Қарори билан тасдиқланган Халқ банки томонидан фуқароларни жамғариб бориладиган пенсия тизимида шахсан ҳисобга олишни юритиш тартиби тўғрисида низомнинг 16-банди; АВ томонидан 6.10.2005 йилда 1515-сон билан рўйхатдан ўтказилган Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий бадалларни қўшиш ва тўлаш тартиби тўғрисида низомнинг 10-банди).

15 ИЮНЬ

2015 йилнинг май ойи учун акцизли товарларнинг айрим турларини сотиш ҳажмлари (ички бозорда янги автомобиллар, алкоголли ва тамаки маҳсулотлари, ўсимлик мойи, автомобиль бензини, дизель ёқилғисини сотиш) тўғрисида маълумотларни тақдим этишнинг сўнгги куни

(ДСҚнинг АВ томонидан 27.01.2010 йилда 2074-сон билан рўйхатдан ўтказилган «Акцизли товарларнинг айрим турларини сотиш ҳажмлари тўғрисидаги маълумот шаклини тасдиқлаш ҳақида»ги қарорининг 2-банди).

23 ИЮНЬ

2016 йил июнь ойининг II ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни

(Солиқ кодекси, 304-модда, тўртинчи қисм).

24 ИЮНЬ 

2016 йилнинг май ойи учун цемент ва клинкерга қўшимча фойда солиғи бўйича ҳисоб-китобни тақдим этиш ва солиқни тўлашнинг сўнгги куни

(АВ томонидан 24.02.2009 йилда 1908-сон билан рўйхатдан ўтказилган Цементга ва клинкерга қўшимча фойда солиғини ҳисоблаб чиқариш ва бюджетга тўлаш тартиби тўғрисида низомнинг 12, 13-бандлари);

2016 йилнинг май ойи учун табиий газга қўшимча фойда солиғи бўйича ҳисоб-китобни тақдим этиш ва солиқни тўлашнинг сўнгги куни

(АВ томонидан 24.02.2009 йилда 1909-сон билан рўйхатдан ўтказилган Табиий газга қўшимча фойда солиғини ҳисоблаб чиқариш ва бюджетга тўлаш тартиби тўғрисида низомнинг 12, ­13-бандлари).

25 ИЮНЬ⁷

2016 йилнинг май ойи учун ҚҚС ҳисоб-китобини тақдим этиш ва тўловни тўлашнинг сўнгги куни⁴

(Солиқ кодекси, 225-модда, биринчи қисм; 226-модда, биринчи қисм);

2016 йилнинг май ойи учун ер қаъридан фойдаланганлик учун солиқни тўлашнинг сўнгги куни⁴

(Солиқ кодекси, 247-модда, учинчи қисм);

2016 йилнинг май ойи учун бир йиллик сув ресурсларидан фойдаланганлик учун солиқ суммаси ЭКИҲнинг 200 бараваридан ошадиган юридик шахсларнинг сув ресурсларидан фойдаланганлик учун солиқ бўйича жорий тўловларни, шунингдек 2016 йилнинг II чораги учун сув ресурсларидан фойдаланганлик учун солиқ суммаси ЭКИҲнинг 200 бараваридан кам бўлган юридик шахсларнинг ҳамда микрофирмалар ва кичик корхоналарнинг сув ресурсларидан фойдаланганлик учун солиқни тўлашнинг сўнгги куни

(Солиқ кодекси, 264-модда, биринчи ва учинчи қисмлар);

2016 йилнинг II чораги учун микрофирмалар ва кичик корхоналар томонидан мол-мулк солиғи бўйича жорий тўловни тўлашнинг сўнгги куни

(Солиқ кодекси, 271-модда, бешинчи қисм);

2016 йилнинг май ойи учун ягона ижтимоий тўлов ва суғурта бадаллари ҳисоб-китобини тақдим этиш ва тўлашнинг сўнгги куни

(Солиқ кодекси, 310-модда, учинчи ва тўртинчи қисмлар);

2016 йил май ойи учун бюджетдан ташқари Пенсия жамғармасига мажбурий ажратмаларни тўлашнинг сўнгги куни (акциз солиғи солинадиган маҳсулот ишлаб чиқарадиган ва ер қаъридан фойдаланганлик учун солиқ солинадиган фойдали қазилмаларни кавлаб оладиган микрофирмалар ва кичик корхоналар бундан мустасно⁶)

(Солиқ кодекси, 315-модда, учинчи қисм);

2016 йил май ойи учун Республика йўл жамғармасига мажбурий ажратмаларни тўлашнинг сўнгги куни (акциз солиғи солинадиган маҳсулот ишлаб чиқарадиган ва ер қаъридан фойдаланганлик учун солиқ солинадиган фойдали қазилмаларни кавлаб оладиган микрофирмалар ва кичик корхоналар бундан мустасно⁶)

(Солиқ кодекси, 319-модда, учинчи қисм);

2016 йилнинг май ойи учун Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмаларни тўлашнинг сўнгги куни (акциз солиғи солинадиган маҳсулот ишлаб чиқарадиган ва ер қаъридан фойдаланганлик учун солиқ солинадиган фойдали қазилмаларни кавлаб оладиган микрофирмалар ва кичик корхоналар бундан мустасно⁶)

(Солиқ кодекси, 325-4-модда, учинчи қисм);

2016 йилнинг май ойи учун товарларнинг айрим турлари (алкоголли маҳсулотлар, қимматбаҳо металлар ва қимматбаҳо тошлардан ясалган буюмлар) билан чакана савдо қилиш ва айрим турдаги хизматлар кўрсатиш (автотранспортни вақтинча сақлаш бўйича пулли хизматлар) ҳуқуқи учун йиғимни тўлашнинг сўнгги куни

(Солиқ кодекси, 347-модда, учинчи қисм);

2016 йил май ойи учун ягона солиқ тўловини тўлашнинг сўнгги куни⁴

(Солиқ кодекси, 360-модда, бешинчи қисм);

2016 йилнинг май ойи учун фаолиятнинг айрим турларини амалга оширувчи юридик шахслар томонидан қатъий белгиланган солиқни тўлашнинг сўнгги куни

(Солиқ кодекси, 372-модда, еттинчи қисм);

2016 йилнинг май ойи учун чакана савдо тармоғида сотиладиган олтиндан ишланган заргарлик буюмларига акциз солиғини тўлашнинг сўнгги куни

(АВ томонидан 16.02.2012 йилда 2328-сон билан рўйхатдан ўтказилган Чакана савдо тармоғида сотиладиган олтиндан ишланган заргарлик буюмларига акциз солиғини ҳисоблаб чиқариш ва тўлаш тартиби тўғрисидаги низомнинг 19-банди).

__________

¹Ҳисобот давридаги тахмин қилинаётган солиқ солинадиган фойдаси ЭКИҲнинг 200 бараваридан кам бўлган корхоналардан ташқари.

²Мол-мулк солиғи бўйича жорий тўловларни ҳар чоракнинг учинчи ойи ­25-кунидан кечикмай тўлайдиган микрофирмалар ва кичик корхоналар бундан мустасно.

³Ободонлаштириш ва ижтимоий инфратузилмани ривожлантириш солиғи бўйича жорий тўловлар ҳисобот давридаги солиқ солинадиган базаси ЭКИҲнинг 200 бараваригача миқдорда бўлган солиқ тўловчилар томонидан тўланмайди.

⁴Солиқни Ҳисоб-китобни тақдим этиш кунидан кечиктирмай, ҳар чоракда, ҳисобот давридан кейинги ойнинг 25-кунидан кечиктирмай тўлайдиган микрофирмалар ва кичик корхоналар бундан мустасно.

⁵Ягона ер солиғини тўлашга ўтмаган қишлоқ хўжалиги корхоналари, республикада доимий муассаса орқали фаолиятни амалга оширадиган Ўзбекистон норезидентлари, шунингдек юридик шахсни ташкил этган ва ташкил этмаган ҳолда барпо этилган деҳқон хўжаликлари жорий тўловларни тўламайдилар.

⁶Ушбу микрофирма ва кичик корхоналар солиқни ҳисоб-китобни тақдим этиш кунидан кечиктирмай, яъни ҳар чоракда, ҳисобот давридан кейинги ойнинг 25-кунидан кечиктирмай тўлайдилар. Умумбелгиланган солиқларни тўловчи қолган микрофирма ва кичик корхоналар 2013 йил 1 январдан бошлаб давлат мақсадли жамғармаларига мажбурий ажратмаларни тўловчи бўлиб ҳисобланмайдилар.

⁷Муддатнинг сўнгги куни дам олиш (ишланмайдиган) кунига тўғри келиб қолса, муддатнинг тугаш куни бўлиб ундан кейин келувчи биринчи иш куни ҳисобланади.

Солиқ тўловчининг тақвими – «Солиқ ва божхона хабарлари» газетаси экспертларининг муаллифлик ишланмасидир. Унинг бошқа ОАВларда қайтадан чоп этилиши ва электрон маълумотлар базаларида жойлаштирилишига «Norma» газеталари бирлашган таҳририяти» МЧЖ ёки «Norma Hamkor» МЧЖ билан тузилган шартнома асосидагина йўл қўйилади.