Norma.uz

Битта бухгалтерияда яқин қариндошлар ишлаши мумкинми

 

Унитар корхонага бош бухгалтернинг қариндошини ҳисоб-китоб бухгалтери қилиб ишга олиш мумкинми (уларнинг оталаритуғишган ака-ука)?

Н.Қўзиева,

кадрлар бўйича мутахассис.

 

– Афсуски, сизнинг унитар корхонангиз қайси фаолиятни амалга оширишини ёзмагансиз. Шу сабабли масалангизни тартибга солувчи қонун ҳужжатлари меъёрлари ҳақида умумий тушунтириш берамиз.

Меҳнат кодексининг 79-моддасига мувофиқ, ўзаро яқин қариндош ёки қуда-анда бўлган шахсларнинг (ота-оналар, ака-укалар, опа-сингиллар, ўғил ва қизлар, эр-хотинлар, шунингдек эр-хотинларнинг ота-оналари, ака-укалари, опа-сингиллари ва болалари), башарти улардан бири иккинчисига бевосита бўйсуниб ёки унинг назорати остида хизмат қиладиган бўлса, бир давлат корхонасида бирга хизмат қилишлари тақиқланади. Мазкур моддада бевосита бир-бирига бўйсуниб ишлай олмайдиган қариндошлар яқинлиги даражасининг батафсил рўйхати берилган.

«Яқин қариндошлар», яъни «яқин қариндош бўлганлар» тушунчаси Жиноят кодексида ҳам келтирилган. ЖКнинг Махсус қисми 8-бўлимига мувофиқ, қариндош ёки қуда томондан қариндош бўлган шахслар, яъни ота-она, ака-ука ва опа-сингиллар, эр-хотин, фарзанд, шу жумладан фарзандликка олинганлар, неваралар, шунингдек эр-хотиннинг ота-онаси, ака-ука ва опа-сингиллари яқин қариндошлар деб тан олинади.

Иккита туғишган ака-уканинг болалари бир-бирига нисбатан амакивачча ҳисобланади, шу сабабли улар яқин қариндош ҳисобланмайди. Тегишинча, МКнинг 79-моддаси меъёрлари уларга татбиқ этилмайди.

Ўзбекистон Ҳукумати МКнинг 79-моддаси талабларидан истисноларни белгилаши мумкин. ВМнинг 11.03.1997 йилдаги 133-сон Қарори билан Давлат (акционерлик) корхоналарининг Ўзбекистон Республикаси Меҳнат кодексининг 79-моддасида назарда тутилган қариндош-уруғларнинг, агар уларнинг хизматлари улардан бирининг бошқасига бевосита бўйсуниши ёки назорати остида бўлиши билан боғлиқ бўлса, бирга хизмат қилишларини чеклаш қоидаларидан истисно этилиши мумкин бўлган ходимлари рўйxати (3-илова) тасдиқланган. Унга қуйидагилар киради:

хориждаги дипломатик хизмат ходимлари;

давлат қишлоқ хўжалиги корхоналари ва ташкилотлари, шунингдек, қишлоқ жойлардаги қишлоқ хўжалиги бўйича илмий-тадқиқот муассасаларида ишловчи қишлоқ хўжалиги мутахассислари;

темир йўл транспортининг линия корхоналари ходимлари, шунингдек, «Ўзбекистон темир йўллари» давлат-акциядорлик компаниясининг йўл, қурилиш-монтаж ва ихтисослаштирилган темир йўллар трестларининг қурилиш-монтаж ва кўприксозлик поездлари, механизациялашган колонналари ва бошқа ҳаракатланувчи тузилмаларининг ходимлари*;

алоқадан фойдаланиш корхоналари ва ташкилотлари ходимлари;

соғлиқни сақлаш даволаш-профилактика ва санитария-профилактика муассасаларининг шифокорлари;

барча ўқув ва тарбия муассасаларидаги педагог ходимлар, ўқитувчилар, библиографлар ва кутубхоначилар;

театрлар, бадиий жамоалар ва студияларнинг артистлари, рассомлари ва мусиқачилари;

илмий муассасалар ходимлари, шунингдек, сейсмик станциялар ходимлари;

Гидрометеорология бош бошқармаси тармоқ ташкилотларининг ходимлари;

дала геология экспедициялари, партиялари, отрядлари ва участкалари ходимлари;

қишлоқ жойларда ишлайдиган ўрмон ва сув хўжалиги мутахассислари, халқ таълими ходимлари, тиббиёт ходимлари, маданий-маърифий муассасалар ходимлари;

умумий фойдаланишдаги автомобиль йўлларидан фойдаланишни амалга оширувчи йўл ташкилотларининг ходимлари*;

қурилиш-монтаж ва кўприксозлик поездлари, механизациялашган колонналар ва бошқа кўчма махсус қурилиш тузилмаларининг ходимлари*;

дарё флоти кемаларининг сузувчи таркиби ходимлари ва дарё транспортидан фойдаланиш корхоналари ва ташкилотлари ходимлари*;

магистрал қувурлар қурилиши ҳамда нефть ва газ конларини тартибга келтиришни амалга оширувчи қурилиш, қурилиш-монтаж ва бошқа ихтисослаштирилган бошқарма ва участкаларнинг ходимлари*;

ҳавза ва кўллардаги балиқчилик хўжаликлари, балиқчилик заводлари, балиқ увилдириқларини сочиш ва уларни ўстириш хўжаликлари ва балиқларни озиқлантирадиган жойларнинг ходимлари*.

 

Тимур Мўминов,

«Norma Online» эксперти.

 


*Бу корхона ва ташкилотларнинг бош бухгалтерлари ва кассирларидан ташқари.

Прочитано: 4556 раз(а)

Комментарии к статье (1)

Ошибка: Xbb_Tags_Color не найден.Ошибка: Xbb_Tags_A не найден.
2017-05-04 13:31:50, Гость_Алишер :
Если Вы являетесь клиентом компании Norma (подписчиком годового комплекта электронной/печатной версии газет или пользователем программного продукта "Законодательство РУз", заключившим договор на 12 месяцев), Вы можете задать вопросы экономико-правовой тематики,  воспользовавшись Справочной службой «Мы отвечаем»!

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика