Моддий ёрдамнинг учдан бирини болаларга беринг

Ходимга ҳисобланди: маош – 614 000 сўм, мукофот – 92 000 сўм, йўл карточкаси қиймати – 80 000 сўм, касал бўлгани сабабли моддий ёрдам – 781 440 сўм, қишлоқ хўжалиги маҳсулотини харид қилишга моддий ёрдам – 200 000 сўм, бола туғилганига нафақа – 260 480 сўм, қариндоши вафот этганлиги муносабати билан нафақа – 260 480 сўм, квартира ижараси учун тўлов – 500 000 сўм. Жами даромад 2 788 400 сўмни ташкил қилади, шу жумладан солиқ солинадиган даромад – 1 286 000 сўм (унга хизмат сафарлари учун йўл чиптасининг қиймати ҳам киради). Ундан даромад солиғи 164 356 сўмни, суғурта бадаллари 55 020 сўмни ташкил этади. Ходим 33%лик ставкада алимент тўлайди. Биз уни қуйидаги даромаддан ҳисоблашни мўлжаллаяпмиз: 2 788 400 – 781 440 – 200 000 – 260 480 – 260 480 – 164 356 – 55 020 – 80 000 = 986 624 х 33% = 325 585,92 сўм. Алимент ҳисоб-китобига қандай даромадлар киради, қандай солиқлар ушланганидан кейин у ҳисоблаб чиқарилади? Хизмат сафарлари учун йўл карточкаларининг қийматидан алимент ушлаб қолинадими?