«Hyundai H&S» компанияси Қорақалпоғистоннинг Қўнғирот туманида доимий муассасани рўйхатдан ўтказди, банкда хорижий ва миллий валюталарда унинг ҳисобрақамларини очди. Ҳозирги вақтда у доимий муассасани ёпиш ниятида. Гарчи компания экспорт-импорт операциялари билан шуғулланмаган бўлса-да, ҳисобрақамларни ёпиш учун банкда божхона органларидан қарзнинг йўқлиги тўғрисида маълумотнома талаб қилдилар.
Бундай маълумотномани қаердан ва қанча муддатда олиш мумкин? Бунинг учун қандай ҳужжатларни тақдим этиш лозим?
– Давлат солиқ хизмати органлари томонидан хўжалик юритувчи субъектларда солиқ қарздорлиги йўқлиги тўғрисида хулоса бериш тартиби ҳақида низомга (ВМнинг 27.01.2014 йилдаги 17-сон Қарори билан тасдиқланган) мувофиқ асосий банк (ҳисоб-китоб) ҳисобрақами ёпилаётганда божхона органларидан хўжалик юритувчи субъектнинг бюджет олдида мажбуриятларининг йўқлиги тўғрисида хабарнома (маълумотнома) олиш учун сиз ёки «Hyundai H&S» доимий муассасасининг асосий ҳисобрақамига хизмат кўрсатувчи банк Давлат божхона қўмитаси ёки божхона расмийлаштируви амалга оширилган унинг ҳудудий бошқармасига мурожаат қилиши керак. Агар хўжалик юритувчи субъект экспорт-импорт операциялари билан шуғулланган бўлса, божхона тўловларини ҳисоблаб чиқариш ва тўлаш билан боғлиқ барча маълумотларни тақдим этиши лозим.
Хўжалик юритувчи субъектнинг божхона тўловлари бўйича давлат бюджети олдидаги мажбуриятларининг йўқлиги тўғрисида хабарнома (маълумотнома) барча зарур ҳужжатлар тақдим этилган ва божхона органлари билан солиштирма далолатнома тузилган пайтдан бошлаб 10 кун ўтгач берилади.
Жавоб ДБҚнинг Божхона тарифларини тартибга солиш
ва тўловлар ҳисобини юритиш бош бошқармаси кўмагида тайёрланди.
