Norma.uz
Газета Норма маслахатчи / 2014 год / № 14 / Бизнес масалалари

Қарзимдан бўйин товламайман – товар билан узаман

Улгуржи компаниямиз (МЧЖ) вақтинчалик қарз шартномасига асосан импортчи МЧЖ учун божхона тўловларини тўлади. Қарз муддати тугаганидан кейин импортчи бизга хат юбориб, қарзни қайтариш имкониятига эга эмаслиги ҳақида маълум қилди. Бунда у пул қайтариш ўрнига компаниямизга импорт товарлари беришни таклиф этди.

Биз пул ўрнига МЧЖдан импорт товарлари олишга ҳақлимизми? Агар бундай қилиш мумкин бўлса, мазкур битимни қандай қилиб тўғри расмийлаштиришимиз мумкин?

Л.Феоктистова,

МЧЖ бош бухгалтери.

Тошкент шаҳри.

 

– Кўпинча амалиётда тадбиркорлик субъектлари қарз маблағла­ри­ни пул шаклида қайтара олмайдиган вазиятлар юзага келади. Бундай ҳолларда қонун тарафларга воз кечиш битимини тузиш ҳуқуқини беради. Воз кечишнинг моҳияти шундан иборатки, унда тарафлардан бирининг ўз мажбуриятларини бажариш шаклигина ўзгаради ва у мажбуриятларни бекор қилиш усулларидан бири сифатида белгиланади. Фуқаролик кодексининг 342-моддасида бундай алмаштиришнинг намунавий рўйхати назарда тутилган: пул тўлаш, мол-мулк бериш. Рўйхат батафсил эмас, келишув тарафлари мазкур моддада назарда тутилмаган бошқа нарсаларни белгилашга ҳақлилар.

Шунга эътибор қаратиш муҳим­ки, оддий ёзма шаклда тузилган хў­жалик шартномаси бўйича воз кечиш тўғрисидаги келишувни ҳам оддий ёзма шаклда тузиш тавсия этилади.

Шу муносабат билан таъкидлаб ўтиш лозимки, келтирилган ҳолат­да воз кечиш келишувини ту­зиш қонуний, уни алоҳида ёзма келишув тузиш ва мол-мулкни қа­бул қилиш-топшириш далолатномасини имзолаш йўли билан расмийлаштиришни тавсия этамиз.

 

Павел СИЛЬНОВ,

адвокат. 

Прочитано: 1095 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA», 2007-2018 г. Все права защищены.
Яндекс.Метрика