Хабардор қилишлари шарт эмас

Кичик корхоналар меҳнат органига бўш ўринлар борлиги ва ходимларни келгусида ишдан бўшатиш тўғрисида ахборот тақдим этишлари керакми?

Валентина К.,

КК директори.

– «Аҳолини иш билан таъминлаш тўғрисида»ги Қонуннинг¹ 18-моддасига мувофиқ иш бе­рувчилар ҳар ойда бўш иш жойлари (вакант лавозимлар) бор-йўқлиги тўғрисидаги маълумотларни, олдиндан (камида 2 ой олдин) меҳнат органига мўлжалланаётган ишдан озод қилишлар тўғрисидаги ахборотларни бўшаб қоладиган ҳар бир ходимни кўрсатган ҳолда тақдим этишлари шарт.

Бироқ, Меҳнат органларига бўш иш жойлари (вакант лавозимлар) бор-йўқлиги тўғ­ри­сида маълумотларни ва мўл­жалла­наётган ишдан озод қилиш­лар ҳақидаги ахборотни тақдим этиш тартиби тўғрисидаги ни­зомнинг² 2-бандига кўра уш­бу маълумотларни меҳнат ор­ганларига Бандликка кўмак­лашувчи давлат фондига бадал ажратувчилар сифатида рўйхатдан ўтказилган барча иш берувчилар, бундан мик­рофирмалар ва кичик корхоналар мустасно, тақдим этадилар.

Шу тариқа, кичик корхона ва микрофирмалар меҳнат органларини вакансиялар борлиги ва ходимларни бўлғуси ишдан бўшатиш тўғрисида хабардор қилишлари шарт эмас.

¹13.01.1992 йилдаги 510-XII-сон (1.05.1998 йилдаги 616-I-сон Қонун таҳририда).

²Меҳнат вазирлиги томонидан тасдиқланган, АВ томонидан 22.12.1999 йилда 858-сон билан рўйхатдан ўтказилган.

Ахтам ҲИКМАТОВ,
адвокат.