Norma.uz
Газета Норма маслахатчи / 2014 год / № 7 / Паспорт масалалари

Рўйхатдан ўтказиш керак эмас

Корхонамиз нефть ва газ саноати учун ускуналар ишлаб чиқариш билан шуғулланади. Асосий буюртмачиларимиз «Ўзбекнефтгаз» МХК корхоналари бўлиб, объектлар Ўзбекистон вилоятларида жойлашган. Штат жадвалига кўра корхонада қудуқларни мустаҳкамлаш бўйича муҳандис лавозими назарда тутилган. Муҳандисимиз доимий равишда Қашқадарё вилоятида яшайди, Ўзбекистоннинг барча ҳудудидаги қудуқларга қарайди.

Агар муҳандис амалда штатимизда қайд этилган, бироқ доимо ускуналарни ўрнатиш учун вилоятларга чиқиб ишласа, уни корхонамизда ишлаш учун Тошкент шаҳрида рўйхатдан ўтказиш зарурми?

 

Е.Швец, кадрлар бўлими инспектори.

 

– Меҳнат шартномаси (контракти)нинг зарур шартларига иш жойи – ходим ишга қабул қилинаётган корхона, муассаса, ташкилот (унинг таркибий бўлинмаси) номи ҳам киради.

Шу тариқа, Меҳнат кодексининг 73-моддасига мувофиқ ходим ташкилотнинг филиали, ваколатхонаси ёки бошқа жойда жойлашган ўзга алоҳида таркибий бўлинмасида ишлаш учун қабул қилинганда, алоҳида таркибий бўлинма ва унинг жойлашган жойини кўрсатган ҳолда, иш жойи тўғрисидаги шарт меҳнат шартномасига киритиш учун мажбурий ҳисобланади.

Ушбу ҳолда ходим ўзининг меҳнат мажбуриятларини меҳнат шартномасида кўрсатилган манзилда (Тошкент шаҳри ва Тошкент вилояти ҳудудидан ташқарида) бажараётганлиги боис, мазкур ходимга Ўзбекистон Республикаси фуқароларини Тошкент шаҳри ва Тошкент вилоятида доимий прописка қилиш ва турган жойи бўйича ҳисобга олиш тартиби тўғрисида низомнинг (ВМнинг 16.02.2012 йилдаги 41-сон қарорига 1-илова) 12-банди талаблари татбиқ этилмайди.

Абдусалом РИСҚУЛЛАЕВ, эксперт-юристимиз.

Прочитано: 1029 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика