Norma.uz

Олий суд пленуми мажлиси

Ўзбекистон Республикаси Олий суди Пленумининг навбатдаги мажлиси бўлиб ўтди.

 

 

 

Ўзбекистон Республикаси Олий суди раиси Б.Мустафоев бошқарган мажлисда Президентимиз Ислом Каримов раҳнамолигида амалга оширилаётган кенг кўламли изчил ислоҳотлар самарасида мустақиллик йилларида мамлакатимиз иқтисодиёти 4,1 баробар ўсгани таъкидланди. Аҳоли жон бошига нисбатан ўсиш уч баробардан зиёдни ташкил этгани юртимизнинг нақадар улкан тараққиёт йўлини босиб ўтганидан далолат беради.

Мажлисда муҳокама этилган «Тадбиркорлик фаолияти билан боғлиқ ишлар бўйича суд амалиётининг айрим масалалари тўғрисида»ги Пленум қарори лойиҳаси судлар томонидан тадбиркорликка оид қонунларни бир хилда қўллаш ва бу борада ягона суд амалиётини шакллантиришга қаратилган.

Суд амалиётига назар ташланса, 2012 йилда жиноят ишлари бўйича судлар томонидан тадбиркорликка оид 1,2 мингдан ортиқ иш кўриб чиқилган. Жорий йилнинг 9 ойида эса 800 дан ортиқ иш кўрилган.

Судлар бу борадаги ишларни кўришда тадбиркорлар манфаатларини таъминлаш, тадбиркорлик фаолияти эркинлигининг кафолатларини бузишда айбдор бўлган шахс­ларга нисбатан жазо қўллашда эътибор қаратиши лозим бўлган жиҳатлар янги қарор лойиҳасида ўз ифодасини топган.

Жумладан, хўжалик юритувчи субъектларнинг фаолиятига қонунга хилоф равишда аралашиш, хусусан, хўжалик юритувчи субъектлар фаолиятини қасддан текшириш ташаббуси билан чиқиш, текширишлар ўтказиш, ушбу субъектлар фаолиятини ва банклардаги ҳисобварақлари бўйича операцияларни тўхтатиб туриш, қонун ҳужжатларида назарда тутилмаган ҳолларда хўжалик юритувчи субъектларнинг ҳисобварақларида пул маблағлари бор-йўқлиги ҳақида ахборот талаб қилиб олишга йўл қўйган мансабдор ёки бошқа шахслар маъмурий жавобгарликка, айнан шундай ҳаракатларни маъмурий жазо қўлланилгандан сўнг содир этиш жиноий жавобгарликка сабаб бўлади.

Мажлисда муҳокама этилган «Судлар томонидан фарзандликка олиш ҳақидаги ишлар бўйича қонунчиликни қўллаш амалиёти тўғрисида»ги Пленум қарори лойиҳасида судларнинг эътибори фарзандликка олиш ҳақидаги аризаларни ўз вақтида ва тўғри ҳал этишга қаратилган.

Мажлисда кўриб чиқилган масалалар юзасидан тегишли қарорлар қабул қилинди.

ЎзА материали асосида.

Прочитано: 1518 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика