Аёл ўзининг пенсияси ўрнига вафот этган турмуш ўртоғининг пенсиясини олиши мумкинми?
– Ҳа, мумкин. Лекин бу боқувчисини йўқотганлик пенсияси бўлади. Аёли пенсия ёшига, яъни 55 ёшга тўлган бўлса, боқувчисини йўқотганлик пенсиясини олишга ҳақли бўлади (Қонуннинг 19-м. 3-қ. «б» б.).
Бунда давлат пенсияларининг турли хилларини (ёшга доир пенсия, ногиронлик пенсияси ва боқувчисини йўқотганлик пенсиясини) олиш ҳуқуқига эга бўлган фуқароларга уларнинг ўзлари танлаган битта пенсия тайинланади.
Пенсиянинг бир туридан пенсиянинг бошқа турига ўтказишда тайинланган пенсияни тўлаш тўхтатилади ва қонун ҳужжатлари билан қўйиладиган талабларга мувофиқ бошқа турдаги пенсия тайинланади (252-сон Низомнинг 133-б.).
Мавзувий сонни Алла Ромашко олиб боради.